noise annoys

Les

2011-12-24T05:22:00.003Z

Af einhverjum ástæðum virðist ég alltaf falla mest fyrir fantasíu sem er miðuð á unglinga (e. young adult fiction). Ég byrjaði að lesa fyrstu bókina í Hunger Games trílógíunni í fyrir 2 vikum og ég get ekki hætt. Núna er ég rúmlega hálfnuð með bók tvö, Catching Fire. Myndin kemur svo á næsta ári og ég er svo spennt! Sagan er hvöss ádeila á stríð og kapítalisma og er hröð, vel skrifuð, spennandi og ótrúlega grípandi. Auk þess er aðalpersónan, Katniss, alveg svakatöff pía. Frábært skemmtiefni með myrkum undirtón, blóði, slagsmálum og töffaraskap. Fimm stjörnur og tvö knús.

Stiklan fyrir myndina. Lenny Kravitz og Woody Harrelson í góðum fíling. Jæja.

Keats and Yeats are on your side

2011-12-14T02:59:00.003Z

Stundum, eins og undanfarið, á ég erfitt með að skrifa það sem mér finnst. Allavega að skrifa það þannig að það hljómi fyndið og skemmtilegt og eins og eitthvað sem hægt er að lesa. Það eina sem ég kann að skrifa um núna eru bíómyndir og ég skrifa um þær fyrir skólann. Ekki get ég farið að birta ritgerðir hérna á blogginu? Það er alveg handónýtt. Og einhvern veginn þegar ég er búin að skrifa og skrifa fyrir skólann þá dettur mér ekkert fleira í hug til að skrifa. Og þess vegna skrifa ég ekki neitt hérna lengur, sem er sorglegt því einu sinni fannst mér það svo skemmtilegt.

Stundum þegar ég fæ hugmyndir um miðja nótt þá skrifa ég þær niður svo ég geti hætt að hugsa um þær og sofi kannski á skikkanlegum tíma í staðinn. Það virkar stundum. Ég á samt sennilega aldrei eftir að komast upp á lag með það að sofa á skikkanlegum tíma. Líkamsklukkan mín er varanlega stillt á það að hugsa á nóttunni og sofa fram að hádegi. Ég er löngu búin að sætta mig við það en heimurinn er endalaust að setja sig upp á móti eðli mínu, sem er ekki sanngjarnt. En heimurinn er ekki sanngjarn, krakkar, og það ætti að vera eitt af því fyrsta sem maður sættir sig við í þessum heimi. Það og að þú veist aldrei hvað morgundagurinn ber í skauti sér og að þó þig langi í annan skammt á diskinn eftir að þú ert búinn að fá nóg, þá er það sennilega ekki góð hugmynd. Ekki það að ég hafi áhyggjur af þyngdinni, það hef ég aldrei gert, heldur verður manni illt í maganum. Sem er aldrei gott.

En hvað var ég að segja?
Já, skrifa niður hugmyndir fyrir háttinn.

Áðan langaði mig til að skrifa eitthvað og opnaði eina af ótal text-edit möppunum sem ég er með á víð og dreif um tölvuna (ég hef aldrei verið snyrtipinni, ekki einu sinni á rafrænu formi) í von um það að orðin myndu flæða fram í eins konar stream of inspiration a la Keats og Yeats og Byron. Það sem stóð í skjalinu var:

"Tásalat

Skápahommi"

Ég veit ekki hvernig þetta átti að verða að einhverri snilld, en sumar hugmyndir eru bara góðar í fimm mínútur klukkan fimm um nótt á fimmtudegi. Ef þið skiljið hvað ég á við? Merkilegt hvernig það er samt hægt að skrifa um ekki neitt með því að rifja upp gamla og vonda hugmynd. Kannski er líka betra að skrifa um ekki neitt heldur en að skrifa ekki neitt yfirhöfuð? Og þess vegna byrjaði ég að skrifa aftur.

Myndablogg

2011-12-09T03:20:00.004Z

Þar sem ég hef ekki neitt merkilegt að segja og Sóla er alveg að krepera þarna í París vegna skorts á bloggum frá mér þá hef ég ákveðið að birta (orðagrín! þetta er fyndið því ég heiti sko Birta. HE HE.) photobooth svipmyndir úr lífi mínu seinustu vikurnar. Það að bloggið sé í myndum bætir það kannski aðeins upp hversu óspennandi líf mitt var á þessum tíma:

Ég fór í klippingu og losaði mig við möllettið sem
myndast ef maður lætur stutt hár vaxa.

Við Sigurlaug hlógum mikið að okkar eigin aulafyndni
(Women Laughing Alone With Lubitsch, mynd 1 af 2
- innblásið af Women Laughing Alone With Salad
(gúgglið það og upplifið snilldina ef þið hafið ekki upplifað hana fyrr))

Árni úlnliðsbraut sig í marki í fótbolta.
Hér brosir hann í gegnum sársaukann.

Ég skrifaði langa og alveg súrrandi feminíska
ritgerð um hryllingsmyndina Halloween frá '78.
Ég lét titilinn vera "Blóð og Brjóst" og svipurinn á
konunum í Gimli þar sem maður skilar verkefnum uppí
HÍ var alveg yndislegur þegar þær lásu framan á verkefnið.

Þarna er ég augljóslega eitthvað buguð með te
í risaeðlubollanum góða að hlusta á score-ið úr seinustu
Harry Potter myndinni, don't ask. Ég er sennilega að þykjast lesa
fyrir próf í óskemmtilega áfanganum
Aðferðir og hugtök.

Þarna erum við Anna eitthvað lol-aðar á því að fagna
því að ég lifði Aðferðir og hugtök-prófið af. Ég
gerði jarðaberja daiquiry í über-blendernum.

Flippaðar fyrir allan peninginn!

Ég ósátt við illa prentaða grein eftir Andrew Sarris.
Textinn lá allur í svona klessu svo það var alveg núll
þægilegt að lesa hann. Svo var greinin líka alveg drepleiðinleg.

Jæja. Ég vona að þetta hafi upplýst þig um gang mála seinustu vikur, Sóla mín. Missjúbeibí!
Kveðja,
Birta

Topp 5

2011-11-07T02:17:00.002Z

Hlutir til að gera þegar maður er andvaka:

1. Drekka berjate (koffínlaust, ég er ekki 15 lengur. Geez.)
2. Hugsa um allt sem ég þarf að gera og nenni ekki að gera (til dæmis 5 ritgerðir um eitthvað flödíblöblö Hitchcock sem auteur blöblö feminismi flödíblö reðurtákn blablö höfundurinn er dauður)
3. Skoða feisbúkk-myndir af fólki sem er meira töff en þú og er alltaf að gera eitthvað töff eins og að halda vegan matarboð með fullt af öðru töff fólki og vinna við eitthvað obscure og taka svarthvítar myndir og eitthvað en er ekki bara heima hjá á nærfötunum að horfa á Sopranos og borða tekex með engu af því þú nenntir ekki út í búð og það er ekkert skárra til (ég geri það samt ekkert sko.. hehmm)
4. Lesa vonda bók.
5. Horfa út í loftið

Þetta var í boði Royal vanillubúðings

Bloggið er dautt

2011-11-05T23:05:00.002Z

Eins og Guð og Nítsje.

Ég er heima á laugardagskvöldi að lesa Ibsen. Menningarvitinn og plebbinn sem ég er.

Ég er stundum búin að opna blogger og byrjuð að skrifa, en svo hætti ég bara við. Kannski hef ég ekki neitt að segja lengur? Ég þarf að finna mér eitthvað nýtt og ferskt til að skrifa um, og eiginlega alveg pottþétt að finna mér nýjan vettfang. Þessi síða er svo mikið dramatíska-unglings-Birta, ekki ráðsetta(en samt geðveikt töff skilru?)-núna-Birta.

Af hverju skrifast þessi A Doll's House ritgerð ekki sjálf? Mér finnst samt alveg gaman að skrifa ritgerðir, það er bara svo erfitt að koma sér af stað.

Miss Representation

2011-10-08T19:31:00.000Z

Newest Miss Representation Trailer (2011 Sundance Film Festival Official Selection) from Miss Representation on Vimeo.

Mjög mikilvægt.

Mjá

2011-10-08T18:15:00.003Z

Það er miklu skemmtilegra að læra ef maður setur á sig varalit.

Pizza og ritgerð og ritgerðarlýsing og önnur ritgerðarlýsing og önnur ritgerð. Gott laugardagskvöld í vændum.
-Birta

2011-10-07T00:40:00.001Z

Til minningar um fallega konu sem hefði orðið 22 ára í gær.
Ég sakna þín.

Sækóanalysis

2011-09-12T01:16:00.001Z

Nú þarf ég smá berjate til að róa mig niður eftir blússandi feminísku og sálgreindu ritgerðina sem ég var að skrifa um Cat People ('42).

Það er Freud í kvöööld og það er Freud á morgun, og ekk'á morgun heldur HINN OG HINN OG HINN OG... nei æj. Djók.

Góða nótt.

Ákvarðanir

2011-09-09T02:58:00.002Z

Í dag skipti ég um aukagrein því ég er eilífðarstúdent.

Gott: Þarf ekki að fara í fleiri þýskuáfanga og get hætt að stressa mig (í bili) yfir óákveðni yfir BA-ritgerð, fæ að taka áhugaverða kúrsa í bókmenntafræði, slepp við leiðinlega aðferðafræðikúrsa í bókmenntafræði því þeir eru sameiginlegir með kvikmyndafræðinni.

Slæmt: Eyði fullt af einingum í ekki neitt.

Samt, ekki eins og ég sé á námslánum svo ég örvænti ekki yfir því.

ÓGEÐSLEGA mikið að gera. Alltaf að vinna, alltaf að læra, alltaf í tíma, alltaf að reyna að halda íbúðinni í skikkanlegu ástandi, aldrei að gera eitthvað skemmtilegt.

Kv
Þreytt (og hamingjusöm)

Tapað Fundið

2011-09-07T01:17:00.005Z

Fyrst týndi ég myndavélinni minni, svo snúrunni til að tengja við tölvuna og loks hleðslutækinu. Þegar ég kláraði að flytja allt dótið mitt um daginn þá fannst þetta allt og er nú sameinað á nýjan leik. Inni á myndavélinni voru nokkrar myndir.

Prosecco á áramótunum

Guðrún Lilja

Auður

Þessa mynd tók ég af Freyju, frænku og vinkonu, á áramótunum 1975.
Merkilegt hvað hún hefur elst vel stelpan.

Eftir smábrandara og smáhumar og smávín.

Ég fór til Amsterdam með vinnunni.
Við fórum út að borða á fínum veitingastað
sem heitir De Kas.
Þar var skálað í Moët&Chandon.
(Líf mitt er venjulega ekki svona glamúrus)

Ásdís

Kampavín

Gussi pantaði sér heilan bjór en fékk bara sýnishorn.

Daginn áður þurftu strákarnir aðeins að kjöta sig upp á steikhúsi.

Bókahillan heima í Stangarholti.

Í tilefni þess að myndavélin fannst glotti ég og tók þessa mynd.

Birta

Scopophilia

2011-09-02T01:58:00.004Z

Mér finnst námið mitt ótrúlega skemmtilegt. Sérstaklega af því að það tók mig svo langan tíma að þora að fara bara að læra það sem mig langaði til, óháð hnýsnum spurningum um atvinnumöguleika fullorðinsáranna og metnaðarfullri framtíðarsýn. Ég elska að horfa á bíómyndir og sjá handan rammans. Að túlka og skilja. Að lesa myndirnar út frá kapítalísku, feminísku, freudísku, auteurísku, analýtísku sjónarhorni og vita hvað mise en scéne, diegesis, 180° reglan og expressjónismi er. Að hafa séð margar, langar, gamlar, þöglar, þýskar myndir og þekkja til Hitchcock, Fellini, Nýju Hollywood, Cahiers du Cinéma og "þess sem hryllingsmyndir fjalla sko í alvörunni um". Ég er núna í áhugaverðum kúrsum að læra um það sem mér finnst skemmtilegast í heiminum, sem er ótrúlegt því yfirleitt þóttu mér svokölluð "kjaftafög" frekar leiðinleg (saga, félagsfræði etc.). Þó að það geti verið ákveðin kvöð að lesa langar og flóknar greinar og skrifa 15 blaðsíðna ritgerðir um skrítnar kenningar og nákvæmar greiningar á óræðum myndum þá get ég ekki annað er hugsað "Þetta er yndislegt líf". Ég ákvað samt sem áður, þar sem ég sat ein yfir bókinni "Film and Feminism", að gúggla "What to do with a degree in Film Studies". Það bitastæðasta sem upp kom var greinin "The 10 most worthless college majors". Ég fer bara að læra þjóninn á næsta ári?

Kv,
Hvað á ég að gera við líf mitt?

PS: Ég tryllist yfir því hvað Notorious eftir Hitchcock er frábær mynd. Ég sá hana í annað skipti í vikunni sem leið og er endanlega og óumflýjanlega ástfangin.

Bíða

2011-08-27T21:29:00.004Z

Sit nú og bíð eftir fari. Fyrst partý og svo Singapore Sling tónleikar. Af því tilefni fór ég í rokkdúllugallann og brosti ekki. Verst að ég á ekki Ray Ban til að vera með í myrkrinu. Wednesday Addams kjóllinn verður bara að duga.

Ég er líka að safna hári sem er ekki jafnauðvelt og að klippa það allt af. Er núna að sporta dúi sem er sítt að aftan, sítt að framan en stutt í kringum eyrun. Ég veit ekki alveg hversu lengi í viðbót ég meika að vera skrítin 80's Birta.

Einnig, svona fyrst við erum að ræða hár, þá má ég til með að mæla með þessu hérna undraefni ef einhver eins og ég er að lesa (þ.e. blönk (pönk) blondína). Vinnufélagi minn hún Eydís benti mér á að tjekka á John Frieda Go Blonder Lightening Spray og ég sver það þetta er snilld! Þú skellir þessu í hárið eftir sturtu annað slagið (ekki of oft því þá verður hárið á þér eins og hey, enda ertu að lýsa það) og blæst svo á þér hárið og/eða sléttir og ÞAÐ LÝSIST EINS OG FYRIR GALDUR (ein spennt). Ég set þetta í annað slagið (10 daga eða 2 vikna fresti sirka) og hárið verður ljóst og ferskt og losnar við þennan gula tón sem vill oft koma á litað ljóst hár. Extra næs er svo að tjilla með þetta í sólinni, þá verður maður alveg eins og Marilyn! Eða.. næstum... Ég keypti mitt í Lyfju á auman 2000 kall og ég held að þetta fáist líka í Hagkaup. Mælimeðessu!

Kv
The Lifestyle and Fashion Guru Birta.

Upphaf og endir

2011-08-26T14:25:00.002Z

Hér sit ég á Þjóðarbókhlöðunni (Þjóbó segir maður samt ef maður ætlar að rúlla með svölu krökkunum í Háskólanum, sem ég mun sennilega aldrei gera verandi í fagi fyrir nörda og hipstera) og kem sjálfri mér á óvart, enda byrjar skólinn ekki fyrr en á mánudaginn og ég er samt byrjuð að lesa. Fritz Lang biður að heilsa!

Ég er farin að finna haustlykt í loftinu, enda er mild golan farin í frí og napur næðingur hefur tekið við. Það er samt sennilega fyrir bestu að ég hætti að sofa á daginn og fari að mæta í tíma, en sólarhringsviðsnúningur er óumflýjanlegur þegar næturhrafnar eins og ég vinna bara á kvöldin.

Annað í fréttum er það að ég þarf ekki að þjást um of í skólanum því ég fer til New York í nokkra daga í október að versla og sprella. Ég þarf reyndar að læra líka því að ferðin mín er í verkefnavikunni í HÍ en stefnan er sú að vera búin með sem mest áður en ég fer. Sem leiðir okkur aftur að ótímabærum metnaði mínum sem er að fara fyrir lítið ef ég ætla bara að sitja hér og dikta upp einhverja vitleysu.

Svo þarf ég að fara á Bjargarstíginn að pakka saman afgangnum af dótinu mínu því Mamma gerði sér lítið fyrir og seldi litla hvíta húsið með græna þakinu. Hún mun nú flytja í "nýtt" og stærra hús og ný fjölskylda getur hreiðrað um sig í "húsi sölumanns dauðans". Ég mun því gefa hér upp link á þennan lauflétta fóstbræðraskets sem svona last tribute til æskuheimilisins. Bless gamli vin, ég mun sakna þín!

Birta

Kannski pínu þreytt

2011-08-15T02:29:00.004Z

Í dag horfði ég á margar bíómyndir, borðaði margar pizzusneiðar og drakk mörg glös af ferskju og jarðarberjaístei. Núna ætla ég að sofa í marga klukkutíma. Fyrst aaaðeins að kíkja á feisbúkk... bara smá...

Og hlusta á þetta lag! Mjög mikilvægt fyrir sálina!

Midnight snack

2011-08-10T00:59:00.002Z

Mér finnst langskemmtilegast að stússast í eldhúsinu á nóttunni. T.d. baka pönnukökur eða (líkt og ég er að gera núna) búa til íste úr ferskjutei sem mér finnst ekki gott heitt. Mig langar líka að búa til hummus en ég vil ekki vekja sambýlismanninn. Obb.

Ég er líka að lesa BA-ritgerðina sem Aron vinur minn skrifaði í Kvikmyndafræði. Ritgerðin er góð og vinur minn er snilli!

Á morgun ætla ég svo að lönsja með mömmu, kaupa bók og vinna. Ég lifi spennandi lífi, krakkar.

B.

Ég nördaði yfir mig alla

2011-08-06T02:30:00.002Z

Ég nördaði smá í buxurnar líka.

B.

Sjöttbüllar

2011-08-03T20:59:00.003Z

Ég er að umbreytast í einhverskonar útileguelskandi lopapeysufrík í gúmmískóm sem finnst "bara voða kósí" að gista í tjaldi. Ég skil ekki hvaðan þessi nýfengna geðveiki er hingað komin en hvernig sem því um líður þá breytir það ekki þeirri staðreynd að ég fór í tvær útilegur í júlí.

Helgina fyrir versló fórum við Árni með systkinum hans á Hvammstanga að baða tærnar í læk og skoða seli. Kíktum líka á barinn Síróp á Hvammstanga þar sem ég fékk versta gin og tónik sem hefur held ég nokkurn tímann verið blandaður. En annars var glimrandi!

Um verslunarmannahelgina keyrðum svo við Árni ásamt Gvendi, Jóa og Helga vinum hans alla leið norður í Mývatnssveit þar sem Sigurlaug, Oddur og barn iðka ferðamennsku og pizzabakstur af miklum móð. Helgin var voða fín og við átum pizzur, grilluðum og drukkum bjór í góðu yfirlæti. Hljóðaklettar, Ásbyrgi, Dettifoss og jarðböðin voru skoðuð og svo kíktum við til Húsavíkur í sund og vöfflukaffi hjá Ömmu og Afa. Síðan kíktum við á Reðasafnið og virtum fyrir okkur hin ýmsu typpi dýra, manna og huldufólks. Allt í allt góð ferð og allir kátir.

Nú er ég kjötbollusödd heima að hlusta á Megas.
Ég hlakka líka smá til að byrja aftur í skólanum og lesa og læra.
Ég ætla að fá mér ís og horfa á vídjó í kvöld. Mmm..

B.

bráðfalleg í bleiku

2011-08-03T02:47:00.001Z

I love Otis.

600

2011-07-27T03:14:00.001Z

Í tilefni þess að seinasta færsla var númer 600 þá ákvað ég að gefa blogginu mínu smá meikóver sem er enn í vinnslu. Hvað finnst ykkur, of bleikt? Smá.

Gefum þessu séns, meiri breytingar á næstu dögum!

B.

Steve-o

2011-07-24T20:45:00.002Z

Ég ákvað áðan að fletta upp á Youtube atriðinu sem Steve Buscemi leikur í í kvikmyndinni Pulp Fiction (Hann leikur Buddy Holly-þjóninn á Jack Rabbit Slims) og rakst þá á þetta myndband. Ég er mikill aðdáandi mannsins en það er mér samt sem áður gjörsamlega hulin ráðgáta hvernig nokkrum manni getur dottið það í hug að setjast niður og búa til þetta myndband:

What is this I don't even?

2011-07-14T14:44:00.002Z

Svona til sönnunar þess efnis að ég er ekkert alltaf afmynduð, mygluð eða þreytt (þó að ég sé reyndar allt þrennt akkurat núna, þetta er nefnilega nokkurra daga gömul mynd hér fyrir neðan).

Þarna er ég í stofunni heima í Stangarholtinu. Fína gula kjólinn keypti ég af Hildi Kristínu á slikkerí í Kolaportinu og er (eins og sjá má) afskaplega ánægð með hann. Kjóllinn er liður í ákveðnu átaki sem gengur undir nafninu "Í gula kjólinn fyrir jólin" en í því felst það að ég ætla mér að eignast 7 gula kjóla, einn fyrir hvern dag vikunnar, áður en árið líður í aldanna skaut. Ég ætlaði reyndar líka að kaupa mér eina íslenska plötu á mánuði en hef hingað til ekki keypt eina einustu svo ég held ég haldi mig bara við kjólaplanið og salti hitt um óákveðinn tíma.

Í þessu fína dressi fór ég svo út að borða með góðu vinnufélögunum mínum á Fiskfélaginu. Við fórum á nýjan og fínan stað sem heitir Grillmarkaðurinn og átum á okkur gat af allskonar mat. Ég mæli til dæmis með laxinum í aðalrétt. Við fengum líka ýkt flotta deserta borna fram á flennistóru járnskipi (?), en hver þeirra var öðrum kræsilegri. Mæli með ef þið eruð til í að splæsa smá!

Jæja. Ætla að sýna lit og brjóta saman þvott núna.
B.

Rowling

2011-07-11T16:10:00.002Z

"Whether you come back by film or by page, Hogwarts will always be there to welcome you home."

Nei, nú fer ég bara að gráta.

Kv,
Ein þreytt og meyr

Sérrí beibí

2011-07-11T01:12:00.004Z

Erfiðasta helgi allra tíma er nú búin og ég hlakka til að njóta mánudagsins á morgun.

Ég keypti líka gleraugu upp á grín í Kolaportinu í dag, svona fyrst að þeir selja sjóngleraugu fyrir nærsýna.

Núna get ég wörkað hipsterinn anyday, everyday. (Hvernig finnst ykkur þetta þreytta, sveitta, égvinnofmikið, oflýsta fótóbúþ lúkk sem ég er að prófa hérna? Er þetta eitthvað sem ég ætti að vinna frekar í?)

Ég verð 22 ára eftir viku. Þá fer að styttast í nýja mjöðm og tvískipt gleraugu, svo leggst ég bara í kör og bíð ellidauðans. Ég man að ég átti mér þann draum þegar ég var 14 ára að ég ætlaði sko að djamma á skemmtistaðnum 22 þegar ég yrði 22 ára, eins og Birna frænka. Sá draumur er úti. Ég kannski fer bara á sérrífyllerí á Trúnó í staðinn?

Birta

I'm Beck

2011-07-05T14:22:00.003Z

Nei, djók. Ég er ekki Beck.
En ég er samt snúin aftur, endurnærð með nýja tölvu. Hin dó drottni sínum, blessuð sé minning hennar. Nú er ég með fótóbúþ og get tekið outfit myndir:

Ég og Árni að vera fabjúlus heima í gærkvöldi.

Bless og takk, ekkert snakk
Bert

NÁKVÆMLEGA SKILRU!?!

2011-06-08T00:48:00.003Z

Ég get ekki beðið eftir nýju Harry Potter.
Gott lol:
Við Árni erum að horfa á allar myndirnar, og ég er að lesa bækurnar. Hann er ekki mikill Potter fanatíkus en það er allt í lagi því hann er með Potter alfræðiorðabókina við höndina. Mig.
Lífið er skemmtilegt stundum.
Stundum langar mig að skrifa bók. Hún myndi vera svona eins og High Fidelity, að því gefnu að Rob væri kona. Ekki?

B.

Tapas og TMI

2011-05-26T18:01:00.002Z

Vorgleði í vinnunni í gær og farið var út að borða á Tapas-barinn. Þar var margt gómsætt í boði eins og til dæmis hvítlauksristaður humar, sangría og góður saltfiskur. Síðastnefnda þótti mér ótrúlegt því venjulega er ég á þeim buxunum að telja saltfisk meðal þeirra rétta sem boðið er upp á hlaðborði Satans í forgarði Helvítis. Ókei, kannski ekki, en mér finnst hann samt vondur. Það sem ég set helst út á er ofeldað lamb sem bragðaðist reyndar ágætlega en gaf manni þá tilfinningu að maður væri að naga spýtu.

Ég vaknaði svo eiturhress klukkan 9 í morgun og er því mjög svekkt yfir því að þynnkan hefur nú ákveðið að leggjast yfir mig eins og illur andi og hefur nú í samvinnu við kvenlega verki látið mér líða líkt og ég væri andsetin af einhverskonar sársaukadjöfli. Ég hef því eytt seinustu tveimur tímum í að horfa á Friends í fósturstellingu uppí sófa en ætla nú að rísa sem Fönix úr öskustónni og koma mér út að sinna erindum, þar á meðal líta inn til móður minnar að sníkja mat og verkjalyf og fá gjöf; Móðurástina beint í æð. Djók, hún var í London og keypti fínerí. Meira djók, móðurástin er gull. ÓKEIBLESS!

:( og :) dagsins

2011-05-24T19:10:00.003Z

:( dagsins er að ég get ekki hætt að lesa bloggið hennar Tobbu Marinós.

:) dagsins er að kærastinn minn ætlar að fara með mig í ísbíltúr á eftir.

:/ dagsins er að í dag keypti ég ekki varalitinn sem mig langaði í.

:o dagsins er að ég keypti allskonar í dag til að búa til heimagerðan hummus. Hvað er í gangi? Hver ertu, Birta?

Fleira er ekki í fréttum.

Ask Claude

2011-05-24T00:39:00.002Z

Allar einkunnir og einingar komnar í hús.
Fórum til Hveragerðis um helgina að heimsækja Katrínu og Aron. Grill, spil, vín, pottur, hryllingsmyndir, klipping og svo flótti undan öskuskýi. Mjög gott.
Í kvöld var ég svo í fríi í vinnunni því túristarnir komust ekki til Íslands um helgina ergo enginn kemur út að borða. Svo er kalt og vindur.

Ég sakna þess pínu að búa ekki lengur í Þingholtunum, en það er samt svo gott að flytja út.

Auk þess kennir neyðin naktri konu að spinna og ég er byrjuð að elda mat sem er ekki bara hrærð egg eða pylsupasta. Ekki að ég sé að gera lítið úr pylsupastanu sem er herramannsmatur. Uppskrift!

Það sem þú þarft er:
1 lítill pakki SS-pylsur (5 stk). Þú getur líka notað Bónus eða Goðapylsur ef þú ert að spara eða hefur enga pylsusjálfsvirðingu.
1 niðursuðudós Hunts pastasósa. Garlic and Onion er best. Three Cheese sósan er líka ágæt en hún slettist svolítið upp úr pönnunni þegar verið er að hita sósuna, svo vertu með svuntu.
1 pakki sveppir
Pasta. Hvernig sem þú vilt. Skrúfur, slaufur, spaghettí etc. Ekki þó lasagnaplötur eða tortellini því það er asnalegt.
Salt
Matarolía

Skerðu niður sveppina og pylsurnar og steiktu á pönnu í smá olíu.
Helltu sósunni yfir, hrærðu og hitaðu í gegn.
Sjóddu pastað með olíu og salti. Það stendur á pakkanum hversu lengi þú átt að sjóða það (Mjög hentugt, ég veit!)

Settu pasta og sósu á disk.
Troddu í grímuna á þér.

Kv.
Heimilisgyðjan

Öj

2011-05-05T12:28:00.003Z

Kvikmyndasaga!
Lesstofan á Háskólatorgi!
Núna er ég ein af þessum töff gellum sem eru alltaf að tjilla á HT og læra með feisbúkk opið í tölvunni. Vantar bara hælaskó, snúð í hárið (ofan á hausnum) og einhverja trendy chunky knit kósýpeysu. Eða ekki.
Jæja. Slökkva á tölvu. Glósa Federico Fellini. Baci. Bene. Tortellini. Ókei, ég kann ekki ítölsku.

Ókei, þetta er reyndar ekki Fellini, heldur (rokk)Hitchcock. En mig langar bara svo að kúra með ís og horfa á eina mynd eftir hann AKKURAT núna.
Lesa nú.
Gleðileg próf.
B.

Jello

2011-04-26T16:12:00.004Z

Núna er páskafríið búið og ég get ekki dregið það mikið lengur að sökkva mér á kaf í námsbækurnar, vopnuð tebolla og gulum yfirstrikunarpenna.
Mig langar bara svo miklu meira að gera eitthvað annað, til dæmis drekka kampavín í gulum sumarkjól úti í garði. En, alas, ég sit í stað þess inni og les, á meðan það rignir úti og ímynda mér að hlandvolgur tebollinn sé Moët & Chandon. Þá er oft freistandi að láta hugann reika og dreyma um gula hluti, svona í stíl við yfirstrikunarpennann og nýyfirstaðna páskagleði.

Til dæmis þennan kjól hér...

... og þennan fína gula sundbol...

...hallærislega kúl gulan stól...

... og að njóta lífsins...

Úps

2011-04-17T22:10:00.001Z

Þegar tveir nördar með söfnunaráráttu ákveða að flytja inn saman þá skapast vandamálin. Kv. Íbúðin mín er full af geisladiskum

Hár

2011-04-13T03:59:00.003Z

Að vera andvaka er góð skemmtun. Eða ekki.

Annars fór ég í klippingu um daginn. Núna er hárið mitt eiginlega alveg nákvæmlega eins og þetta hár:

Þetta er Astrid Kirchherr. Hún var kærastan hans Stuart Sutcliffe sem var sætasti Bítillinn, en hann dó því miður langt fyrir aldur fram.

Ég er að prjóna gráa og fölbleika röndótta lopasokka. Ég er búin með vettlingana, sem eru skærbleikir og skærgrænir. Kannski nenni ég að taka myndir af þeim bráðum og setja hér inn.

B.

Mikið um að vera og allskonar að gera

2011-04-11T18:32:00.002Z

Þessa dagana er ég að fara í gegnum allar mínar veraldlegu eigur og velja og hafna. Það tekur á. Hvernig er hægt að eiga svona mikið af drasli sem maður hefur engin not fyrir? Svar: Ef þú býrð í sama herberginu í 14 ár þá safnast það einfaldlega hægt og rólega saman, án þess að þú takir eftir því! Þetta kemur allt saman, og þá er bara þetta eftir:

Það er að segja mínus dramatíkin. Þið skiljið.

B.

Skilningsleysi mitt á eðli hlutanna í daglegu lífi Íslendings

2011-04-05T20:51:00.002Z

5 hlutir sem allir nema ég virðast elska

1. Melónur. Hvað er málið með þær? Og hér á ég við ávöxtinn melónu, ekki slanguryrðið yfir hvolpa (brjóst). Finnst ÖLLUM þetta bara gott eða? Ég hef gert ítrekaðar tilraunir og gætt mér á öllum helstu melónutegundum sem fást í kjörbúðum á Reykjavíkursvæðinu. Þær tegundir eru blessunarlega ekki margar enda ávaxta og grænmetisúrval hér á landi til háborinnar skammar (Halló linu paprikur og trénuðu lárperur!)
Alltént, melónur. Þær eru væmnar og fullar af steinum. Svo finnst mér myglubragð af þeim. Og þetta spænir fólk í sig í gríð og erg?

2. Hundar. Hvað er málið með þá? Ósjálfbjarga aumingjar sem slefa á mann, lykta illa og virðast vera með einhvers konar radar á fólk sem þolir þá ekki og vill ekki að þeir þefi af klofinu á þeim. Hint: Þetta fólk sem um ræðir er ég. Og fyrst ég er nú að impra á þessu á annað borð þá get ég nú allt eins lýst yfir furðu minni á hátterni hundaeigenda þegar það er snjór úti. Þetta er frekar einfalt: Ef að hundurinn þinn kúkar í snjóinn þá hverfur kúkurinn ekki eins og einhver... kúkur sem hverfur. NEI. Hann situr í snjóum þar til snjórinn bráðnar og þá fer hann hvert? Jú, mikið rétt! Á götuna. Þannig að lexía dagsins er: Hirðið upp eftir hundana ykkar, LÍKA þegar þeir kúka í snjóinn.

3. Gossip Girl. Hvað er málið með það? Þetta er alveg fáránlega leiðinlegt! Og það má nú alveg taka það fram að ég er kona sem kann að meta sjónvarpsefni sem er kannski ekki.. tjah.. vandað? Stímúlerandi? Ég hef oft og mörgum sinnum reynt að sökkva mér inn í þennan heim hátískusinnaðra Manhattan-unglinga sem pöntuðu sér sinn fyrsta Martini áður en þau komust upp gaggó, en mér hefur aldrei tekist að grípa þessa miklu snilld sem þetta víst er. Ég kannski held mig bara við Americas Next Top Model og Pretty Little Liars? Já, kannski bara.

4. Sund. Hvað er málið með það? Ég hef rætt þetta hér áður og álit mitt hefur lítið breyst síðan þá. Ég fæ bara ekki neitt út úr því að velta mér upp úr skítnum af öðru hálfberu fólki, fara í sturtu með öðrum konum, ganga um mátunarklefann sem er undirlagður af köldum blautum pollum fullum af skapahárum og.. nei OK. Ekki alveg svona ógeðslegt. En næstum því! Auk þess er ég blind án gleraugna, varla synd, vatnshrædd, get ekki haft augun opin í vatni og ekki haldið niðri í mér andanum lengi. Svo er ég hvít. Mjög hvít. Hvítt fólk er ekki kynþokkafullt í vatni. Það er svona eins og einhver hafi misst hveitipoka í laugina þar sem ég mara um í pissvolgu vatninu ásamt súkkulaðibrúnu hot yoga beibsunum. Grát. Ekki meir.

5. IceSave málið. Nei djók, það hata allir IceSave málið.

Hallærispía

2011-03-19T17:16:00.002Z

Núna er ég að prjóna vettling á hringprjón með því að nota Magic Loop aðferðina og tryllist úr spenningi yfir youtube myndböndum um prjónakúnstir. Flottust!

Af hverju er þetta samt á röngunni? OK. Ekki flottust.

Birta.

Föstudagsfílíngur:

2011-03-11T14:30:00.002Z

60's sækóbillí bílskúrsrokk frá Perú? Já, það held ég nú!

Bless og takk, ekkert snakk.
Bert

I wanna hold you wanna hold you tight

2011-03-07T19:36:00.003Z

Lærdómur

2011-02-22T19:50:00.001Z

Stundum er það gaman

Stundum er það ekki svo gaman

Mín trista tilvera

2011-02-18T16:37:00.002Z

... nafnið á sjálfsævisögu minni.

Gekk heim úr skólanum áðan og grét. Fékk nefnilega sand í augun sem skörp vindhviða blés mér skyndilega í fés. Á meðan spilaðist þetta lag á tónhlöðunni. Það var mikil og epísk stund.

Rocky Horror á Akureyri á morgun. Ég verð pottþétt fyrir vonbrigðum því ég er svo kröfuhörð. Svo er þetta uppáhaldsmyndin mín. Hlakka samt til. Sérstaklega þó hlakka ég til að keyra í 10 tíma um helgina.

Sá Black Swan um daginn. Ó Tjækovskí! Ó Rodarte! Ó Natalie! Segi ekki meir.

Hananú. Ég bloggaði. Þetta ætti nú að gleðja einhverja (Hæ Sigurlaug! Hæ Árni!).

2011-02-10T20:23:00.002Z

"It seems to me now that the plain state of being human is dramatic enough for anyone; you don’t need to be a heroin addict or a performance poet to experience extremity. You just have to love someone."

Úr How to Be Good eftir Nick Hornby

Slibbslabb úti. Leslas í skólanum. Vinnvann í vinnunni. Elskást inni. Ahh..

B.

Metnaðarfulli námsmaðurinn

2011-01-29T18:19:00.002Z

Í dag var ég ofboðslega dugleg þrátt fyrir að vera þunn og prentaði út allar greinarnar sem ég þarf að lesa í kvikmyndasögu á þessari önn. Að lesa þær er seinni tíma vandamál. Metnaðurinn er alveg að drepa mig. Nú: Pítsa.

PS: Bakkus er ekkert skemmtilegur eftir að hann varð meinstrím. Já, ég er svona hrokafull.

Jean-Luc Godard

2011-01-26T01:11:00.001Z

“I pity the French Cinema because it has no money. I pity the American Cinema because it has no ideas.”

"All you need for a movie is a gun and a girl."

Sorrý kids

2011-01-20T08:59:00.001Z

Ég er lélegur bloggari.

Þunnudagur

2011-01-10T02:28:00.003Z

Sit hér um miðja nótt uppí rúmi í gamalli MR peysu að borða ís og grenja yfir lokaþættinum af Sex and the City. Tragísk steríótýpa much? Verð að taka út sem mest rusláhorf áður en ég sný aftur til plebbalegs lífs míns sem hrokafullur kvikmyndafræðinemi sem horfir bara á tormelt kvikmyndarúnk.

"Carrie, you're the one"

Svo er ég að fara til Amsterdam eftir viku á árshátíð Fiskfélagsins. Það verður eflaust einhver epík. Hvað er gaman að gera í Amsterdam? Ekki segja reykja gras. Ég er ekki að fara að reykja gras. Verð reyndar bara í tvo daga svo ég næ ekki að gera margt. Fer allavega út að borða, á djammið og í H&M. Blargh. H&M!

Skóli á þriðjudaginn. Ég er bara í skólanum 3 daga í viku; Miðvikudaga, þriðjudaga og föstudaga. Trololo! Þetta verður ágætis önn.

What's in a name?

2011-01-08T05:29:00.003Z

Noise Annoys er B hliðin á Love You More síngúlnum með hljómsveitinni Buzzcocks frá árinu 1978. Love You More er uppáhalds Buzzcockslagið mitt en Noise Annoys er bara svo skemmtilegur orðaleikur. Auk þess fannst mér við hæfi að hafa B-side, því ég heiti Birta og er B-manneskja.

Sá líka einu sinni svaka sæta stuttmynd þar sem Love You More lagið var í aðalhlutverki. Finn hana samt ekki neinsstaðar núna. Bömmer.

B.

Andvaka

2011-01-07T04:47:00.002Z

Nú er úti veður vont, verður allt að klessu.
Ekki á hún Birta gott, að sofna vært í þessu.

Flottur kveðskapur, ég er soddan skáld sjáiði til.

Ég hef endurheimt herbergið mitt og unglingurinn í hjarta mér tók hopp og stökk af gleði. Því miður er alveg viðurstyggðarkuldi úti og enginn ofn virkar í herberginu mínu. What do? Er að reyna að hlýja mér við einn auman rafmagnsofn en það gengur helst til illa þar sem það blæs inn um báða tvo gluggana í herberginu mínu, líka þegar þeir eru lokaðir. What do?

Bjó til Jello áðan því það lá undir skemmdum. Það er rosalegt þar sem Jello er búið til úr rotvarnarefnissósuðu dufti og vatni og ætti í rauninni að geymast að eilífu (eða því sem næst). En þarna stóð það, svart á hvítu, "Best before January 2011". What do? You make Jello! Fékk mér svo smá áðan því ég er andvaka og hafði ekkert betra að gera. Þá reyndist þetta vera eitthvað viðbjóðslegt sykurskert ferskjujello sem bragðast eins og dauði. Svo varð ég ekki einu sinni full eins og venjulega þegar ég innbyrði Jello, sem eru þá í formi skota og búin til með vodka. Bömmer. Reyndi að laga það með gervirjóma (eins og gervirjómi lagi nokkurn skapaðan hlut?) en það virkaði að sjálfsögðu jafnvel og að negla súkkulaðibúðing á tré. Semsagt ekki.

Fór í matarboð í gær. Við Ellen elduðum nóg grænmetislasanja til að fóðra litla fílahjörð svo allir þurftu að borða extra mikið. Það var samt gaman, enda fátt yndislegra en að vera saddur og rauðvínsléttur með yndislegum vinkonum. Allavega talsvert betra en að vera andvaka og jelloóglatt með sjálfum sér.

Hlakka smá til að byrja í skólanum. Allar einkunnir fyrir seinustu önn komnar í hús (Tvær 8 og ein 9!) og ég er bara tössösátt með það skilru. Sorrý, þetta var andvekjan (?) að tala.

Anywho. Ballyhoo. Echo and the Bunnymen.
Góða nótt.
B.

Eirðarlaus

2011-01-05T12:41:00.002Z

Birna frænka og Oliver kærastinn hennar eru á landinu og fengu að gista hjá okkur. Mamma sagði að þau gætu fengið herbergið mitt því ég á engan kærasta lengur sem gistir hérna. Ég gæti bara gist á sófanum eða uppí hjá henni á meðan. Way to rub it in, Mamma. Svo nú er ég ógift, barnlaus kona á þrítugsaldri sem gistir uppí hjá Mömmu sinni. Lífið. Svo skemmtilegt stundum.

Fór líka í blóðprufu áðan og þurfti að bíða í einn og hálfan tíma eftir því að komast að. Var svo tekin inn í eitthvað bakherbergi með skúringagræjum þar sem taugatrekktur læknanemi stakk mig ítrekað í handlegginn. Ég elska heilbrigðiskerfið á Íslandi. Endilega skerum niður. Plís.

Núna ætla ég samt að leggja mig. Ég er nefnilega ennþá í jólafríi. Zweet.

B.

Mod

2011-01-01T20:48:00.004Z

Þessar skvísur eru svo sykursætar, töff og skemmtilegar að ég á erfitt með mig.
Söngkonan er líka með næstum því eins hár og ég!

Gott að byrja nýtt ár með góðri tónlist!

Áramótabirta gerir læk á það!

Áramótagleðin sjálf var mjög skemmtileg og hressandi. Borðaði góðan mat, var í fínum kjól og kíkti í nokkur partý með bros á vör. Núna var ég að enda við að slafra í mig nýárshamborgarahrygg með Mömmu og Ausu og ætla að kíkja aftur út í kvöld, enda metnaðarfull og dugleg ung stúlka.
Vonandi skemmtu allir sér vel í gær og eru ekki of þunnir í dag.
Kv.
In a complicated relationship with Trivento Mixtus Shiraz Malbec (sem er btw. uppáhaldsvínið mitt því það er alveg sjúklega gott miðað við að það kostar bara 1400 kall. Svo er líka skrúftappi á því = bæbæ tappatogaravesen)

So this is the new year

2010-12-31T02:18:00.003Z

Mikið er ég til í nýtt ár og nýtt upphaf.
2010 var erfitt og skemmtilegt.
Ég kynntist mikið af góðu, nýju fólki sem ég er þakklát fyrir.
Ég styrkti tengsl við aðra góða vini.
Ég fann mér nám sem ég hef gaman af.
Ég lærði að lifa með krónískum veikindum, sem er erfitt en ekki jafnerfitt og ég bjóst við.
Ég er líka að læra að vera ein, sem er erfitt en ekki jafnerfitt og ég bjóst við.
Ég missti eina af mínum kærustu og bestu vinkonum, sem er erfitt og alveg jafnerfitt og ég bjóst við. Ég skála bara fyrir okkur báðar á morgun.

Gleðilegt nýtt ár allir og takk fyrir gamalt!
Ég lofa hressleika og biturð á nýju ári!
Birta.

Andi liðinna kjóla

2010-12-24T12:33:00.002Z

Ég hef aldrei verið mikið jólabarn en stóð þó sjálfa mig að því að detta í smá jólaskap seinasta miðvikudag. Þá fór ég og hitti gamla vini og við fengum okkur egg nog. Egg nog er fyndinn drykkur og í rauninni ekki ósvipað því að drekka piparkökudeig með vöffludeigsáferð, bara áfengt. Mæli með þessu kransæðakítti upp á stemmarann, en þó í hófi, enda aðaluppistaðan eggjarauður, rjómi og romm.

Í ár fékk Mamma líka, eins og fyrri ár, matarkörfu í jólagjöf frá vinnunni sinni, en yfirleitt hefur karfan sú verið uppspretta mikillar gleði, uppfull af framandi pate-um, gröfnu kjöti, ostum og sósum sem ég hef legið yfir í átvímu langt fram á annan í jólum. Í ár var því miður ekki svo og karfan reyndist full af sveittum jólapylsum og helmygluðum ostum. Ég hélt meira að segja að inn hefði skriðið eitthvað dýr og dáið drottni sínum undir ísskápnum okkar núna á Þorláksmessumorgun. Ég hafði orð á þessu við móður mína og komst að því að ég var ekki sú eina sem fann þennan undarlega ilm. Ostarnir voru grafnir út úr ísskápnum hið fyrsta og látnir dúsa úti í frostinu á pallinum.

Það var þó bót í máli að í körfunni var einnig að finna stórt og bústið hangilæri sem Mamma sauð í gær. Eftir matinn leið mér soldið eins og Joey í Friends-þættinum þar sem Monica eldar kalkún og Joey lofar að klára hann allan. "Uh oh, here come the meat sweats". Sjá hér. Ég fékk allavega massífan saltverk í allan líkamann eftir á og hef nú ákveðið að reyna að fara eftir þessari reglu: Ef þú ert södd, hættu þá að borða. Hingað til hef ég lifað eftir Ef þú ert södd þá ertu aumingi-reglunni en hún er augljóslega ekki málið...

Bjargarstígurinn var svo skreyttur í gær, þegar ég losnaði við kjöt-tremmann. Nú er líkt og heilagur andi hafi kastað upp í stofunni okkar og þá mega jólin bara koma fyrir mér. En núna ætla ég allavega að pakka niður, þar sem ég hyggst eyða jólunum uppi í Kópavogi með Pabba, konunni hans og öllum þykjustusystkinum mínum. Gleðileg jól kæru vinir, lesendur og leynilegu aðdáendur. Hafið það sem allra best og passið ykkur á kjötsvitanum!

B.

Af gjöfum og pjatti

2010-12-20T20:55:00.004Z

Hjálp! Mig langar bara í kökudiska og ísskálar og eitthvað rugl í jólagjöf. Ellimerki? Eða þroskamerki?

Jólin eru hægt og bítandi að koma á Bjargarstíginn. Mamma búin að kaupa jólapúrtvínið og misþyrmdi einhverjum bakstri í gær eftir að hafa smakkað á því. Ég bakaði líka. Keypti deigið reyndar tilbúið í kælinum í Bónus en ég raðaði því nú samt sem áður á plötur og brenndi það svo ekki. Og hananú!

Fór í Kringluna áðan að reyna að kaupa einhverjar jólagjafir og týndi þar lífsviljanum mitt á milli Stjörnutorgs og Erlendir titlar A-Z í Skífunni. Náði nú samt að kaupa hitt og þetta smotterí handa fjölskyldunni og svo ný jólanærföt og MAC Viva Glam I varalit handa sjálfri mér. Þetta er brjálaður litur. Svona dökkbrúnrauður Old Hollywoodglamúr. Pjattrófurnar voru með umfjöllun um hann fyrir nokkrum mánuðum og mig hefur langað í hann síðan þá. Og það eru nú jólin. Auk þess rennur allur peningurinn sem safnast til Mac Aids Fund. Svo þetta er gott málefni og mér finnst gaman að vera sæt. Win-Win.

Keypti mér líka tvo kjóla í Fígúra á Skólavörðustígnum í gær. Báðir ýkt fínir. Annar þeirra er einhvers konar Wednesday Addams ef hún væri fullorðin hálfgegnsær jarðarför in a good way-kjóll og hinn er eiginlega bara síður bolur með fínu fuglaprenti. Gaman! Föt!

Fór líka í klippingu og litun hjá Katrínu vinkonu og yfirburðasnillingi. Brakandi fersk ofurljóshærð Mia Farrow er mætt á svæðið og ég fílaða. Þetta er það þægilegasta sem ég veit. Set kannski inn myndir af jólaklippingarkjólavaralitsherlegheitunum þegar ég er ekki mygluð og þreytt. Kannski.

Núna ætla ég bara að njóta þess að vera í fríi og ekki hafa meiri áhyggjur af jólagjöfum. Þangað til á morgun. Sji.

Birta

Súrmjólk í eftirmiðdaginn og serjós á nóttunni

2010-12-16T03:48:00.003Z

Búin í prófum.
Fékk 8 í hrollvekjuáfanganum. Sigur!

Á eftir að kaupa allar jólagjafir, gera jólahreingerningu, fara í jólaklippingu, finna mér jólakjól og læra að lifa með líkamanum mínum sem er í óðaönn að aðlagast nýjum lyfjakúr. Er að taka 14 pillur á dag. Hvað er ég aftur gömul? Sextug? Á í mestu vandræðum með að muna eftir þessum ósköpum öllum. Spá í að kaupa mér svona glært lyfjabox með merktum hólfum. Geri það kannski á morgun þegar ég er búin í morgunsundleikfimi, lagningu og bridds. Ég allavega bind miklar vonir við þessi lyf og verð væntanlega orðin brakandi fersk eins og nýsleginn túskildingur áður en ég veit af. Það væri nú ekki leiðinlegt. Las reyndar á fylgiseðli lyfsins að maður mætti ekki fara í ljós þegar maður er á þeim. BÖMMER. Ekki meira tan fyrir Birtu. Nú hef ég enn meiri ástæðu til þess að vörka þetta vampírulúkk sem ég hef verið að þróa með mér. Sést til að mynda stundum ekki á ljósmyndum ef það er notað of skært flass. Þá kemur bara svona hvít klessa þar sem ég á að vera. Svo glitra ég í sólinni ef það er mjög bjart, eins og Edward Cullen. Ég hefði verið mjög eftirsótt fyrr á tímum. Príma Botticelli dama með postulínshúð, hvít augnhár, netta bumbu (lyfjafitan sko) og dularfullt glott. Fæðing Birtu hefði verkið heitið. En alas, nú er 2010 og ég á ekki séns. Svo ég fæ mér bara serjós og fylgist með raunum Carrie Bradshaw, sem er ávallt fabjúlus og eftirsótt sama hversu óþolandi hún er.

Birta.

Rautt

2010-12-14T05:36:00.002Z

Seinasta prófið á morgun/á eftir. Ákvað að vera dugleg og fara að sofa fyrir miðnætti. Að sjálfsögðu vaknaði ég galvösk klukkan 4 í nótt. Fáránlegt. Núna leiðist mér og ég get ekki sofnað. Fínar myndir bæta það upp.

myndir: fashionising og tfs.

Kæru lesendur

2010-12-11T02:56:00.002Z

Þar sem þið eruð án efa miklar smekkmanneskju, verandi að lesa þetta blogg, þá óska ég hér eftir ábendingum varðandi tónlist. Þannig er mál með vexti að ég á við gríðarstórt lúxusvandamál að stríða; fullt i-tunes af tónlist, en ég hef samt ekkert til að hlusta á.

Svo ég spyr: Hvað eruð þið að hlusta á? Má vera nýtt, gamalt, rólegt, hressandi. Ég er með ákaflega breiðan tónlistarsmekk (myndi þó ekki ganga svo langt að segja að ég væri "alæta á tónlist", enda bara skinkur og plebbar sem segja það) og er opin fyrir hverju sem er.

Endilega skiljið eftir athugasemd hér fyrir neðan ef þið lumið á einverju skemmtilegu sem ég gæti haft gaman af. Ekki vera feimin. Megið kommenta nafnlaust ef þið eruð hrædd við mig (efast þó stórlega um að ég hræði marga).

Með von um góðar (allavega einhverjar) undirtektir,
Birta

PS: Er einnig opin fyrir öðrum ábendingum; sjónvarpsþáttum, bókum, kvikmyndum, kokteilum...

PS2: Er að fara að Miu Farrow-a mig upp í næstu viku. Stressuð og spennt. Tilíetta!

PS3: Fékk hljóðræna fullnægingu í eyrun í gær á Apparat Organ Quartet útgáfutónleikunum. Geez Louise hvað það er gott að fara á góða tónleika með góðri hljómsveit. Sérstaklega ef umræddir tónleikar eru verðlaun fyrir vel unnin störf á sviði ritgerðarskifa. Nú er bara eitt próf eftir. Mmmm...

Birta Bowie

2010-12-07T23:25:00.003Z

Ósanngjarnt hlutskipti mitt í lífinu

2010-12-06T22:33:00.003Z

Stundum hata ég innyflin mín. Af hverju geta þau ekki bara reynt að haga sér, svona einu sinni? Gimmíabreik. Nú bíð ég andaktug eftir símtali frá strák. Lækninum mínum, svona til að vera nákvæmur. Bjóst aldrei við því að verða "þessi gella" sem liggur uppi í rúmi og bíður angurvær við símtólið. En, alas, sjalalalala ævintýri enn gerast.

Ritgerð 1 skilað. Afsaka súrheitin í gærnótt. Þá er það bara ritgerð 2.
En fyrst: Lufs, vera illt í maganum, kljúfa atóm, fá mér kók, hlusta á Belle and Sebastian, éta pillur, andvarpa yfir lífinu og tilverunni, renna yfir feisbúkkvinalistann og skipuleggja hvern ég ætti nú að táldraga næst. Þetta seinasta var reyndar djók, þó það sé alls ekki slæm pæling in theory. Vantar nefnilega kúr/vídjó/baknuddsfélaga fyrir jólafríið. Verður að vera góður í sleik og hafa gaman af John Hughes, Wes Anderson og Hitchcock. Vinsamlegast sendið umsókn ásamt mynd og meðmælum á:
beibsamedmeltingartruflanir69@hotdate4u.org
You know you want to.

Lag fyrir ykkur ef þið eruð svona fólk eins og ég.

B.

10 Staðreyndir

2010-12-06T04:48:00.002Z

1. Ég er búin að eyða þessari helgi í að skrifa 8 blaðsíðna lokaritgerð um Friðrik Þór og höfundakenninguna. Tók mér frí seinni hluta laugardagskvöldsins og kíkti á Önnu vinkonu sem er að vinna á bar hér í borg. Friðrik Þór var þar. Ég hló.

2. Ég kláraði ritgerðina mína svo seint að ég ákvað bara að vaka alla nóttina þangað til háskólinn opnar í fyrramálið og fara þá og skila henni í staðinn fyrir að fara að sofa og hætta á það að sofa yfir mig og skila of seint. Löng setning. Góð hugmynd. Og þó.

3. Ég get ekki ákveðið mig hvort ég vil frekar vera skapandi eða hamingjusöm, en svo virðist sem ég geti bara verið annað í einu. Báðir þessir eiginleikar eru einskis virði án hins en eyða samt hvor öðrum. It's a lose-lose situation.

4. Þegar ég er ekki að lesa fyrir próf, skrifa ritgerðir eða skoða gagnslausa hluti á Facebook þá er ég þessa dagana að lesa High Fidelity. Það útskýrir listann, þó ég geri reyndar oft lista, líka þegar ég er ekki að lesa High Fidelity.

5. 5 uppáhaldslögin mín þessa dagana eru: Gold með Spandau Ballet, Master Song með Leonard Cohen, I Was Once a Loyal Lover með Death Cab For Cutie, Shiny með Decemberists og Sunny Road með Emiliönu Torrini.

6. Matt vinur minn bjó til Facebook-grúppu með nokkrum félögum sínum. Þeir bættu svo fullt af fólki í grúppuna og báðu alla um að gera Top10 plötulista fyrir 10 desember. Best of máttu vera með. Eftir miklar sálarkvalir og brútal niðurskurð endaði ég með þetta í höndunum:
1. Nick Cave and the Bad Seeds - The Boatman's Call
2. The Decemberists - Castaways and Cutouts
3. Arcade Fire - Funeral
4. David Bowie - Aladdin Sane
5. Velvet Underground - Loaded
6. The Buzzcocks - Singles Going Steady
7. Belle and Sebastian - Push Barman To Open Old Wounds
8. Pulp - Different Class
9. Nouvelle Vague - Nouvelle Vague
10. Leonard Cohen - Songs of Leonard Cohen

7. Það fáránlega við tónlist þegar maður er í andlegu ójafnvægi (eins og ég er yfirleitt, ef þið voruð ekki búin að taka eftir því... það er nefnilega alveg 5 ára nákvæm skrásetning á yfirborðskenndu væli á þessari blessuðu bloggsíðu) er það hvernig hún hjálpar og gerir illt verra á sama tíma. Maður fellir kannski tár yfir einhverju fáránlega væmnu lagi sem maður myndi ekki þola undir venjulegum kringumstæðum, tengir við lagatextana og finnst þetta lag "vera samið um sig og manns tragíska líf". Síðan fer maður í kjölfarið að ímynda sér einhverja úberrómanseraða útgáfu af sambandinu sem maður var í, þó að það hafi í raun verið hið gagnstæða, og velta sér upp úr einhverju sem hefði getað verið svona eða hinsegin. Eða hvað? Kannski er ég bara búin að hlusta á of mikið indípopp, lesa of mikið í High Fidelity og horfa á of margar John Hughes myndir. Þegiðu Birta.

8. Það er sjúklega mikið ofmat að ætla sér að skrifa 10 staðreyndir um sjálfan sig klukkan 5 að nóttu til. Allavega ef maður vill að þær staðreyndir verði töff og hnyttnar en ekki emó og aumkunarverðar.

9. Mig langar í Chanel tösku, nýja klippingu, tattú og Ray Ban Clubmaster gleraugu. Ekki sólgleraugu heldur venjuleg.

10. Jellyfish aren't fish, they're plankton. (Virkar eiginlega bara á ensku, en merkilegt samt!)

B.

Inspiration

2010-12-04T03:28:00.002Z

Ég sé oft svona inspiration-post á hinum ýmsu bloggum sem ég les. Í téðum inspiration-postum er þó aldrei neitt að finna nema myndir. Myndir sem gleðja mig á vissan máta en komast þó aldrei nærri þeim fossandi innblæstri sem þýtur í gegnum æðar mínar við það eitt að sjá réttu orðin sett saman í setningar. Svo hér er inspiration-post, á minn hátt. Nokkrar setningar sem hafa hreiðrað um sig í heilabúi mínu og nartað í hjarta mitt.

PS: Ég er venjulega ekki svona háfleyg. Er bara búin að standa í miklum og dramatískum ritgerðarskrifum um kvikmyndir Friðriks Þórs og höfundakenninguna seinastliðna daga. Er orðin soldið ritgerðarsúr af þeim sökum.

"There are worse things than being alone but it often takes decades to realize this, and most often when you do it's too late, and there's nothing worse than too late."
- Charles Bukowski

"Is it so wrong, wanting to be at home with your record collection? It's not like collecting records is like collecting stamps, or beermats, or antique thimbles. There's a whole world in here, a nicer, dirtier, more violent, more peaceful, more colourful, sleazier, more dangerous, more loving world than the world I live in; there is history, and geography, and poetry, and countless other things I should have studied at school, including music."
- Nick Hornby, High Fidelity

"You don't have a soul, you are a soul. You have a body."
- C.S. Lewis

Svo gott. Ég vildi að ég gæti skrifað svona. Kannski get ég það einn daginn. Þá verður nú gaman, krakkar!

Að lokum er hér lagið sem er búið að vera á repeat seinustu daga.
Ó, Leonard. Þú er maðurinn.

B.

Joie de Lire

2010-11-30T01:45:00.001Z

Ég les mikið, lengi, oft og endurtekið. Endurtekning er barnaleg, ég veit það vel, en það er eitthvað við endurtekningu sem mér finnst huggandi og þægilegt. Þegar við vorum lítil horfðum við á sömu myndirnar aftur og aftur og báðum alltaf um sömu sögurnar fyrir svefninn. Ég held ég hafi aldrei vaxið upp úr þessu. Ég horfi á sömu myndirnar aftur og aftur, les sömu bækurnar tvisvar í röð, hlusta á sama lagið tíu sinnum og spyr sömu spurningarinnar aftur ef mér finnst svarið ekki nógu fullnægjandi. Það sem þótti krúttlegt er nú orðið uppáþrengjandi, skrítið og meira að segja pínu manískt.

Kannski tengist þetta því að ég hef alla tíð verið mjög upptekin af því að lesa barna- og unglingabækur. Ég hef samt alveg lesið fullorðinsbækur, og meira að segja haft gaman af sumum þeirra, en það er eitthvað við ímyndunarafl, sakleysi og veruleikafirringu barnabókaheimsins sem veitir mér mun meiri gleði. Og hver ákvað það að bók væri eitthvað verri aðeins vegna þess að hún er "barnabók"?

Þegar ég var í 6.bekk í MR áttum við að skrifa bókmenntaritgerð um bók að eigin vali. Nota bene: eigin vali. Ég valdi bókina The Book Thief eftir Markus Zusak sem er að mínu mati stórkostleg bók, enda vel skrifaður ljóðrænn prósi sem leikur sér að orðum og fjallar um það hvernig heimur bókmenntanna og orðanna geta snert við fólki á ólíklegustu stöðum. Bókin er samt sem áður, unglingabók eða "young adult novel". Þegar ég skilaði inn valinu mínu til enskukennarans fékk ég þá vinsamlegu ábendingu að "það væri kannski betra, ef ég myndi velja alvöru bók". Alvöru bók? Hvaða eiginleikum búa "alvöru bækur" yfir sem The Book Thief fullnægir ekki? Eru þær lengri? Bókaþjófurinn er tæpar 600 blaðsíður svo það er varla það. Hafa þær fengið fleiri verðlaun? Seldust þær betur? Bókaþjófurinn er margverðlaunuð og hefur selst í milljónum eintaka, svo það gengur ekki heldur upp. Hvað er það? Ekki þó aldurinn sem bókin (eða hvað sem þetta var sem ég las, pældi í, bjó til þesu upp úr og skrifaði 1500 orða ritgerð um) er helst stíluð inn á? Kommon.

Ég er eiginlega búin að gefast upp á að verja þennan áhuga minn á barnaefni. Af hverju les ég Bangsímon? Ég veit það ekki. Af því að það er góð bók full af heimspekilegum pælingum? Af hverju les ég Harry Potter? Af því að það er stórfenglegur ímyndaður heimur sem tekur á hinu klassíska viðfangsefni sem barátta góðs og ills er og veitir einmana nördastelpum eins og mér skjól og frið þegar ekkert annað gengur upp. Af hverju horfi ég á Strumpana? Af því að það eru ógeðslega fyndnir þættir! Af hverju les ég Twilight? OK, ekki einu sinni ég hef hugmynd um af hverju ég geri það, en ég geri það samt. Og hverjum er ekki drullusama þó það sé asnalegt?

B.

kannski sé ég draumaprinsinn benóný á ballinu

2010-11-28T20:23:00.003Z

fjaðrir og perlur.

debbie.

svart og hvítt. ég og hildur.

winona í heathers.

svanir á tjörninni í rvk.

Sunnudagsfílingur. Var svo kalt þegar ég kom heim í nótt að ég svaf með tvær sængur. Ef þið viljið falla í mjög langt og þungt kómatós svefndá þá mæli ég með þeirri aðferð. Alveg fáránlegt.

Skilaði af mér 10 blaðsíðna heimaprófi um hrollvekjur á föstudaginn. Það samanstóð af 4 ritgerðum, hver og ein 700-1000 orð. Aldrei datt mér í hug að ég ætti eftir að skrifa fræðilegan texta um neitt af því sem ég skrifaði um. Skemmtilegasti hluti verkefnisins var að mínu mati að finna titla á allar ritgerðirnar. Ég missti mig svolítið í þeim efnum og útkoman varð eftirfarandi epík:
1. Áhrif Hammer og kynferðisleg bylting í The Fearless Vampire Killers Romans Polanskis.
2. Hefðbundin reimleikaformúla Amityville Horror og mannssálin.
3. "I never thought I'd be so happy to be a virgin" - Scream Wes Cravens: Óður til slægjunnar.
4. Dauðinn selur: Gotnesk veruleikasýn Alexander McQueen.

Þá eru bara tvær ritgerðir og eitt próf eftir. Allt að koma!

Ég var að vinna um helgina á Fiskó og Dan úr Gossip Girl og Andrew úr Despó komu út að borða og ég þjónaði þeim. Jabb. Þið megið snerta mig. Þeir voru reyndar mjög kurteisir og sætir. Drukku samt tekíla með matnum. Who does that?

B.

Myndir: einkaeign, tumblr, frá steingerði.

Topp 5...

2010-11-24T03:24:00.002Z

...uppspunnir karlmenn sem ég myndi ekki snerta með 10 metra löngu priki.
eftir Birtu Svavarsdóttur, barnlausa og ógifta konu á þrítugsaldri (funny cause it's true)

1. Guy Woodhouse úr Rosemary's Baby
Í skiptum fyrir hlutverk í lélegu leikriti leyfði hann Satani að nauðga konunni sinni með þeim afleiðingum að hún varð ófrísk af syni djöfulsins. Ég held að þú verðir ekki meira dickhead en það. StjörnuDouche-moment: "It was kinda fun, in a necrophile sorta way!" Neitakk.

2. Ian Raymond úr High Fidelity
Pseudobohemian reykelsispervertinn sem stal Iben Hjejle af John Cusack. Hann hefur allt sem einn karlmaður á ekki að hafa. Innrammaða mynd af sér í karatebúning, sveitt gráhært tagl og áhuga á heimstónlist. Gubb.

3. Crabbe/Goyle úr Harry Potter seríunni
Að tala um annan er í raun að tala um hinn svo þeir fá að deila þriðja sætinu. Þeir eru feitir, heimskir og illgjarnir og eru ekki einu sinni með badboysjarma til að bæta það upp! Auk þess eru þeir í Slytherin þúveist, það eru alltaf bad news.

4. Eli Cash úr Royal Tenenbaums
Sveittur tappi með mömmukomplexa. Hann er líka alltaf útúrdópaður og með kúrekahatt. Gerir voða lítið fyrir mig.

5. Jim McAllister úr Election
Þó að ég vorkenni honum upp að vissu marki fyrir það að þurfa að umgangast Tracy Flick, en hún kæmist sennilega á Topp 5 listann yfir fólk sem ég myndi frekar borða þvottaefni heldur þurfa að eyða tíma með, þá er hann eiginlega of mikið fífl til að samúð mín geti náð nokkrum hæðum. Fyrir utan það hversu sveittur og ómyndarlegur hann er þá svindlar hann á menntaskólakrökkum og heldur fram hjá konunni sinni með fyrrverandi konu besta vinar síns / bestu vinkonu eiginkonu sinnar. Úps. Samt ekki. Fífl.

Menn sem komust næstum því á listann:
Michael Grates úr Reality Bites
Swan úr Phantom of the Paradise
Cliff Poncier úr Singles
Chris Hooker úr The Craft

Bót í máli

2010-11-22T18:16:00.002Z

Það er furðulega mikla huggun að finna í þeirri staðreynd að sama hversu niðurdregin ég er þá get ég gengið að því vísu að Morrissey er meira dramatískur og niðurdrepandi en ég.

"I was looking for a job and then I found a job,
And heaven knows I'm miserable now.

In my life,
Oh, why do I give valuable time
To people who don't care if I live or die?"

Alltaf sami sólargeislinn, Morrissey.

B.

eargasm

2010-11-21T23:59:00.002Z

Up down turn around. Please don't let me hit the ground. Tonight I think I'll walk alone. I'll find my soul as I go home.

Laugardagsallskonar

2010-11-20T16:04:00.004Z

60's

Angie og David Bowie

Michael Caine og vinkona

Jeffrey Campbell skórnir sem mig langar í

Nick Cave og PJ Harvey

Basic

Heather Graham sem Rollergirl í Boogie Nights

Emma Watson

myndir: Jeffrey Campbel l, allskonar tumblr, google, fashionising, kissssing

Listin að vera einn

2010-11-18T14:31:00.005Z

Ég skil ekki hvað er svona forboðið við það að gera hluti einn. Fara á kaffihús, einn. Fara í bíó, einn. Fara í göngutúr, einn. Leigja spólu, einn. Fá sér rauðvínsglas, einn. Við gerum ótalmarga hluti ein á hverjum degi, af hverju verða það alltaf að vera leiðinlegu hlutirnir? Pissa, einn. Fara í sturtu, einn. Skrifa ritgerð, einn. Vaska upp, einn. Setja í þvottavél, einn. Sem manneskja sem hefur staðið sig gífurlega vel í því að gera ýmislegt leiðinlegt, ein, hef ég ákveðið að ég þarf ekki lengur á karlmönnum né vinkonum að halda ef mig langar til að gera eitthvað skemmtilegt. Þannig er nefnilega mál með vexti að stærstur hluti náinna vinkvenna minna er í föstu sambandi. Því er aðeins tvennt í stöðunni fyrir mig; finna mér karlmann eða gjöra svo vel að hanga heima hjá mér, ein, yfir Bridget Jones og líter af Bónus-súkkulaðiís sem ég fékk á tilboði. Nei, takk. Ég er nefnilega í fyrsta skipti í langan, langan tíma ein. Og fullkomlega sátt við það. Þessi staðhæfing er, þótt ótrúlegt megi virðast, ekki ákall á hjálp og auk þess alveg fullkomlega laust við biturð. Ég. Er. Ein. Það er ekkert flókið við það. Á næstu dögum hef ég hugsað mér að gera allskonar hluti ein. Fara á kaffihús. Fara í kolaportið. Fara í bíó. Fá mér rauðvínsglas. Í fleirtölu. Njóta lífsins. Vera ung. Borða góðan mat. Vera ég. Kominn tími til.

Birta

dag

2010-11-18T14:12:00.002Z

Ó, Bangsímon. Þú skilur mig betur en allir.

2010-11-17T02:09:00.004Z

Ég er að reyna nýja aðferð í því að jafna mig eftir sambandsslit; vera yfirveguð, horfa á allar Sex and the City seríurnar aftur og prjóna ljótan trefil.

Ákvað að reyna eitthvað nýtt þar sem í seinustu sambandsslitum hlustaði ég á heildarsafn Nick Cave, varð ógeðslega full, fór að grenja á Kaffibarnum og ældi svo í vaskinn heima. Mæli ekkert sérstaklega með því.

Lífið er skrítið stundum.

B.

Sannleikurinn

2010-11-15T20:08:00.003Z

"You can never be overdressed or overeducated." - Oscar Wilde

"Modern Art = I could do that + But you didn't"

"Marilyn Monroe wasn’t even her real name, Charles Manson isn’t his real name, and now, I’m taking that to be my real name. But what’s real? You can’t find the truth, you just pick the lie you like the best." - Marilyn Manson

myndir: postsecret

Sunnudags80's

2010-11-14T20:18:00.000Z

80's unglingamyndagláp, prjón, sunnudagssteik, brúnaðar kartöflur, jólaöl, kókakóla, kakó, Harry Potter les. Góður dagur.

B.

Deathly Hallows

2010-11-12T01:38:00.004Z

19. nóvember! Þetta verður rosalegt! Þjitt!
Myndir: Imdb.

Profondo Rosso

2010-11-09T22:42:00.004Z

Ef þið, líkt og ég, hafið gaman af klassískum hryllingsmyndum sem leggja áherslu á hæga dramatíska uppbyggingu á spennu, liti, ljós, og stílíseruð morð þá mæli ég með ræmunni sem ég var að klára að horfa á rétt í þessu, Profondo Rosso eða Deep Red eftir ítalska hryllingsmyndameistarann Dario Argento. Ekki búast við neinum leiksigrum eða brjáluðu handriti, þó að í þessu tilviki sé sagan bara nokkuð góð, svona á Argento-skalanum. Myndatakan er sjúk (djúpur fókus og ýktar nærmyndir fyrir allan peninginn) og litirnir, óvá! Ég, alltént, er hrifin. Mjög.
Giallo! Giallo! Ti Adoro!

Myndir: Screenshots úr myndinni Profondo Rosso.

2010-11-08T15:29:00.002Z

Ég tók þá ákvörðun fyrir skömmu að eyða minni tíma í tölvunni og meiri tíma í að gera eitthvað uppbyggilegt. Það mun leiða til færri bloggfærslna og (vonandi) betri einkunna. Ég lofa bloggorgíu í jólafríinu. Þangað til ætla ég að einbeita mér að því að skrifa tvær 8 blaðsíðna lokaritgerðir, aðra um Friðrik Þór og hina um The Good Heart, fyrirlestur um asískar hrollvekjur, 4000 orða hrollvekjuheimapróf, handritamöppu og læra fyrir lokapróf í kvikmyndafræði. Þess á milli verður almennur lestur og heimanám, vinna og kannski svefn ef ég er í stuði. Úff.

Sá The Social Network í gær. Djöfull er hún ofmetin.

B.

2010-11-03T16:59:00.005Z

Vakna snemma! Borða morgunmat! Far' í skólann! Drekka te! Sitj' í tíma! Vinna verkefni! Tjekk' á feisbúkk! Senda e-mail! Lesa greinar! Drekka meira te! Borða samloku! Far' í sturtu! Far'í vinnuna! Þjóna fólki! Vera geðveikt hress! Skrifa bloggfærslu! Ogsvoframvegis!

Dagurinn verður eitthvað svo epískur þegar maður er með þetta lag á heilanum.
-Birta

2010-11-02T00:36:00.004Z

Tók þá ákvörðun áðan að hætta að velta mér of mikið upp úr hlutunum og taka tölvukaupalán. Farin að lifa aðeins of mikið á brúninni upp á von og ótta með gamla jálk sem hljómar satt best að segja eins og ryksuga að éta garðsláttuvél sem er í gangi. Enda hefur hann staðið sig eins og hetja síðan 2005.

Mikið er ég fullorðin. Eða svona. Þannig.

B.

sunnudagslol

2010-10-31T21:50:00.002Z

Í boði Harry Potter...

Hlæhlæhlæ. Minna en mánuður í Deathly Hallows part 1! Veiveivei!
B.

Mix kvöldsins

2010-10-27T22:17:00.004Z

Lag til að gefa fingurkossa og blikka augunum daðurslega við.

Lag til að dansa hallærislega úti á miðri götu við. Á 4. mínútu og 30. sekúndu birtist svo skyndilega hópur fólks sem dansar samhæfðan dans í söngleik þar sem ég er stjarnan.

Lag til að setja á sig varalit við, fullur, einn heima. Og fílaða.

Lag til að vera ástfanginn við.

mynd:nastygal

Svo er líka upplagt að vera

svona á meðan maður hlustar.

2010-10-27T17:44:00.003Z

Ég er búin að horfa á svo margar farsakenndar unglingaslægjur upp á síðkastið að ég er hrædd um að næst þegar ég fer í sleik þá verði ég skorin á háls af einhverjum rugludalli með grímu. Hrollvekjuáfangi = lol.

Einnig: Nightmare on Elm Street > Friday the 13th > Halloween.

Kvefið er að lagast.

Ég er að vinna á laugardaginn, Halloweenpartýkvöldið sjálft! Kannski er það bara fyrir bestu. Er nefnilega boðið á 4 mismunandi staði og er með valkvíða. EHEHE.

Ég hef ekkert að segja. Læt bara þessa mynd af Miu Farrow duga. Hún er svo FAB!

mynd:missretroblog

2010-10-24T16:03:00.003Z

Ég er veik. Hósti, kvef og beinverkir. Alveg ótrúlegt hvað það er gaman að hangsa og gera ekki neitt þangað til maður verður veikur og getur ekkert gert nema hangsa og gera ekki neitt.

Þess vegna er ég búin að vera að horfa á myndir fyrir skólann. Er í hrollvekjuáfanga og er að velja mér kvikmyndir til greiningar fyrir massíft heimapróf sem ég á að skila eftir mánuð. Horfði á þessa mynd í gærkvöldi. Hún var snilld, eins og venjulega.

Gerði líka greiningarverkefni um Rosemary's Baby um daginn og er síðan þá búin að vera alveg tryllt í það að fá mér Vidal Sassoon pixie klippinguna hennar Miu Farrow. Góð hugmynd eða slæm?

Ég held ég geri það bara. Það er nefnilega svo merkilegt með hár að það vex aftur ef maður klippir það af. True Story.

B.

The Noble House of Hufflepuff

2010-10-20T20:39:00.004Z

Svo. Fyndið.
Það þarf ekki mikið til að gleðja mína einföldu sál.

Annars er það helst í fréttum að ég steikti mína fyrstu hamborgara áðan. Tók mig ekki nema rúm 21 ár að koma því í verk. Alltaf sama framkvæmdagleðin hér á bæ. Þetta voru meira að segja ofurhamborgarar með spældu eggi og beikoni og öllu. Birna fær þó fullt kredit fyrir beikonið. Líka gáfulegt að fara í sturtu rétt áður en maður steikir fjall af beikoni og spælir egg. Get svo svarið það að það er beikonlykt af gleraugunum mínum.

Allt í allt. Stórsigur fyrir heimasætuna á Bjargarstígnum. Enn eitt listaverk fyrir bragðlaukana stillir sér stolt upp við hlið hinna verðlaunaréttanna. Á listanum má nú þegar finna t.d. "Hrærð egg" , "Pylsupasta" og "Frosin pakkapizza". Að ógleymdu gotteríinu "Grillað brauð með osti".
Komið í mat krakkar. Ég er sjúklega klár í eldhúsinu. Maggi mix hvað!

Kv,
La Pulsa

allt er vænt sem vel er...

2010-10-20T00:40:00.003Z

... bleikt

debbie harry

zooey deschanel

story of my life

draumur í dós

aladdin sane LP

anja rubik í vogue mexico

my point exactly

mia farrow í great gatsby

Myndir héðan og þaðan. Aðallega af handahófskenndum tumblr síðum.

2010-10-14T17:59:00.002Z

Ég er veik í mallanum aftur og þurfti að fara til læknis sem að skammaði mig bara fyrir eitthvað sem var ekki mér að kenna og þurfti að borga 5000 kall fyrir það og fara svo í blóðprufu hjá konu sem stakk mig þrisvar í handlegginn og fokkaði honum upp og ég þurfti að borga 1600 kall fyrir það og núna er mér geðveikt illt í handleggnum og ég þurfti líka að fara og kaupa lyf í apótekinu því ég þarf að fara aftur á leiðinlegan og þreytandi sterakúr og það kostaði tíuþúsundkall og ég varð geðveikt leið því ég er búin að eyða rúmum 16.000 kalli í dag í eitthvað sem er alveg ógeðslega leiðinlegt og ég er frekar blönk og svo þurfti ég að fara í bónus og kaupa í matinn og pokinn var svo geðveikt þungur og mér er svo illt í handleggnum út af blóðprufunni að það var vont að halda á honum heim og nú þarf ég að gera verkefni fyrir skólann og ég veit ekki alveg hvernig á að vinna það því það er frekar flókið og bara VORKENNIÐ MÉR.

Ókei. Hætt að væla.
Spaghettí Bolognese í matinn vúhú!

B.

2010-10-11T00:39:00.003Z

Fólk skiptist að mínu mati í tvo hópa. Fólk sem ég þoli og fólk sem ég þoli ekki. Það er mér hulin ráðgáta hvers vegna óþolandi fólk getur ekki bara haldið sig heima hjá sér og pirrað rykið á skápunum í staðinn fyrir að pirra mig. Það er mér einnig hulin ráðgáta hvers vegna fyrrnefnt óþolandi fólk er svona hrifið af því að fara í bíó.

Scenario #1
Ég var á Harry Potter and the Order of the Phoenix, alveg að drepast úr nördisma og til í tuskið. Inn kemur unglingagengi og sest beint fyrir aftan mig. Myndinni eyddu þau svo í að sparka í sætið mitt, henda poppi fram í salinn, gera grín að myndinni með svona "fyndnum grínröddum", og segja "ÓMÆGAT hvað þetta er glöötuð mynd. Djöfull er þetta hallærislegt! Sjáið þetta fólk sem er hérna!"
AF HVERJU ertu að borga þig inn á bíómynd sem þig langar ekkert til að sjá? Eyddu peningunum sem mamma þín leggur inn á þig eftir pöntun í eitthvað annað. Eitthvað annað sem er víðsfjarri mér. Better yet. Gerðu öllum greiða og vertu heima hjá þér.

Scenario #2
Ég var á Sex and the City 2 sem er sennilega ágætis ræma ef þú ert kvenkyns, þunn og einmana í náttfötunum uppí rúmi að éta ís. Ég var ekki svo lánsöm. Ekki nóg með það heldur var hópur kvenna á fimmtugsaldri fyrir aftan mig. Ég ætla að skjóta á að þær hafi verið ættaðar utan af landi, óhamingjusamlega giftar í örstuttri kvöldpásu frá leiðinlegu úthverfalífi sínu ásamt saumaklúbbi sem kallar sig Lufsurnar / Druslurnar / Tútturnar / Beyglurnar etc.
Í hvert einasta skipti sem Carrie, Miranda, Samantha eða Charlotte birtust á skjánum í einhverjum flottum kjól (sem var ansi oft, enda það eina bitastæða við myndina) heyrðist í einhverri Lufsunni / Druslunni / Túttunni / Beyglunni etc: JÁ SÆÆÆÆÆÆÆÆÆÆÆLLL!!!
Í. Alvöru. ?. Ég bara.. ég.. já.. hættu.

Scenario #3
Ég var á Scott Pilgrim vs. the World. Við hlið mér sat ungur drengur, á að giska 13 ára, sílspikaður og óárennilegur. Hann fyllti vel út í sætið og var búinn að koma bífunum fyrir inni á mínu fótayfirráðasvæði. Hann var líka með ostapopp meðferðis sem bragðast alveg ágætlega en lyktar eins og vel marineraður táfýlusokkur af stæltum verkamanni. Drengurinn lét sér ekki nægja að borða poppið úr pokanum, ó nei, hann hallaði sér aftur á bak í sætinu og hellti vænni hrúgu ofan á bringuna á sér. Þetta tíndi hann svo upp í sig með tungunni og smjattaði vel á, svona til að sýna ánægju sína. Ég bjóst hálfveginn við að hann myndi éta bolinn sinn eftir á en til þess kom sem betur fer ekki.
Myndin sjálf var reyndar ágæt.

Scenario #4
Ég var á Eat, Pray, Love áðan (eða Éta, Væla, Kela eins og hún kallast á góðri íslensku) og fyrir aftan mig sátu nokkrar konur. Þar á meðal ein sem talaði alla helvítis myndina. Farðu á kaffihús, þú getur spjallað þar. Einu skiptin sem hún hélt kjafti var þegar hún var að háma í sig popp með svo miklum látum að annað eins hef ég ekki heyrt (hún og ostapoppsbarnið eiga í harðri samkeppni) og ropaði svo eða prumpaði hátt og snjallt annaðslagið (*PRRP* *ROP* úps. tíhí). Í hléinu gargaði hún svo "Bíddöh er myndin búin eða? JIII er hlé! Nennið þið að vera hérna lengur stelpör? Meg langar eiginlega bara heim skoh. Ég verð þá að fá mér meira popp skoh." Farðu heim eða hagaðu þér eins og manneskja!

Að ógleymdu liðinu sem setur fæturna upp á stólarmana fyrir framan sig þó að einhver sitji í sætinu og sé augljóslega að nota téða stólarma. Það er efni í heilt blogg út af fyrir sig.

Ég allavega held að ég haldi mig við vídeóleigur hér eftir.

B.

6. október

2010-10-06T12:47:00.002Z

Í dag hefði elsku vinkona mín, Ástríður Tómasdóttir, orðið 21 árs.
Í tilefni dagsins ætla vinir hennar og vandamenn að hittast á Venue um 9 leitið í kvöld.
Þar verður ljóðaupplestur, tónleikahald og kaldur bjór.
Afmælisveisla sem hún hefði kunnað vel að meta.

Til hamingju með afmælið, elsku vinkona.
In vino veritas.

-Birta

2010-10-03T04:32:00.001Z

"If you want to write, kill the magic: a book is just a bunch of writing. Anyone can write a book. It might suck or be incomprehensible, but so what: it’s still a book. Nothing is stopping you right now from collecting all of your elementary school book reports, or drunken napkin scribbles, binding them together at kinkos for $20, slapping a title on the cover, and qualifying as an author."

"A book is just a collection of 8,000 or so sentences. If you can write one you can write 8000. When anyone laughs at your book, just say “ok, where is yours?” Then when they start to make up some excuse for not having one, hit them in the face (with your book)."

Scott Berkun on how to write books.

freaks and geeks

2010-09-27T18:00:00.002Z

BESTU ÞÆTTIR Í HEIMI!
Svo er hægt að horfa á þá alla á YouTube!
Það er ekki leiðinlegt...

itunes

2010-09-26T22:45:00.003Z

Total Tracks: 4462

Total Length of Music: 11,5 dagar.

First Song: The Living Daylights með A-ha
Last Song: Little Red Riding Hood með 999

Sort by song title:
First Song: Á Eyðieyju með Dr. Gunna
Last Song: 1984 með David Bowie

Sort by time:
Shortest Song: Lagið sem hefði átt að vera leikið með Spilverki Þjóðanna
Longest Song: The Diamond Sea með Sonic Youth

Top 10 Most Played Songs:

1. Give Him a Great Big Kiss - Shangri-Las
2. Lime Tree Arbour - Nick Cave and the Bad Seeds
3. Nobody's Baby Now - Nick Cave and the Bad Seeds
4. Into My Arms - Nick Cave and the Bad Seeds
5. Safety Dance - Men Without Hats
6. Time of the Season - Zombies
7. (Are You) The One I've Been Waiting For - Nick Cave and the Bad Seeds
8. Jazz á Gogo - France Gall
9. A Cautionary Song - The Decemberists
10. The Legionnaire's Lament - The Decemberists

First five songs that come up on shuffle:

1. She's My Best Friend - Velvet Underground
2. Dead - Pixies
3. Eric's Trip - Sonic Youth
4. The Kids Don't Stand a Chance - Vampire Weekend
5. Offend in Every Way - The White Stripes

How many songs come up when you search for…

* Sex: 18
* Love: 251
* You: 525
* Death: 124
* Hate: 2
* Wish: 10

sá þetta hér. mér leiðist.

2010-09-21T22:08:00.005Z

Lydia Deetz...

... svo dásamlega morbid

aulahúmor

2010-09-16T18:13:00.002Z

Villi Vill, hress á kantinum.
Ætli þetta sé ástæðan fyrir því að seinasta platan hans heitir "Hana nú"?
Hlæhlæhlæ.
B.

2010-09-12T23:53:00.002Z

Ég fór í skrítið partý um helgina.
Kveðja,
Birta.

source: mynd af feisbúkk, tekin af emelíu.

more green

2010-09-08T12:51:00.003Z

David Bowie.
Myndir teknar af Andrew Kent.
---
"What is an "instant" death anyway? How long is an instant? Is it one second? Ten? The pain of those seconds must have been awful as her heart burst and her lungs collapsed and there was no air and no blood to her brain and only raw panic. What the hell is instant? Nothing is instant. Instant rice takes five minutes, instant pudding an hour. I doubt that an instant of blinding pain feels particularly instantaneous."

Úr "Looking for Alaska".

2010-09-07T20:28:00.002Z

Ég fíla John Green. Sennilega af því hann er nörd (eins og ég) sem fílar Harry Potter (eins og ég) og borðar Lucky Charms (eins og ég) þó það sé frekar óhollt og eiginlega bara subbuleg sykurklessa og er ýkt fyndinn og er sniðugur rithöfundur og eitthvað (ekki eins og ég, but I'm getting there).

"Saying 'I notice you're a nerd' is like saying, 'Hey, I notice that you'd rather be intelligent than be stupid, that you'd rather be thoughtful than be vapid, that you believe that there are things that matter more than the arrest record of Lindsay Lohan. Why is that?' In fact, it seems to me that most contemporary insults are pretty lame. Even 'lame' is kind of lame. Saying 'You're lame' is like saying 'You walk with a limp.' Yeah, whatever, so does 50 Cent, and he's done all right for himself."
Svar við spurningunni "Why is being a nerd bad?"

"I mean Hank, the movie was great, but the thirty minutes before the movie started was what I love about being a nerd. Because nerds like us are allowed to be unironically enthusiastic about stuff. We don't have to be like, 'Oh yeah that purse is okay' or like, 'Yeah, I like that band's early stuff.' Nerds are allowed to love stuff, like jump-up-and-down-in-the-chair-can't-control-yourself-love it. Hank, when people call people nerds, mostly what they are saying is, 'You like stuff', which is just not a good insult at all."
Um Harry Potter and the Half Blood Prince

"I wanted so badly to lie down next to her on the couch, to wrap my arms around her and sleep. Not fuck, like in those movies. Not even have sex. Just sleep together, in the most innocent sense of the phrase. But I lacked the courage and she had a boyfriend and I was gawky and she was gorgeous and I was hopelessly boring and she was endlessly fascinating. So I walked back to my room and collapsed on the bottom bunk, thinking that if people were rain, I was drizzle and she was a hurricane."
Úr Looking for Alaska (2005)

"Lucky Charms are like the vampires of breakfast cereal. They’re magical, they’re delicious, they’re a little bit dangerous and bad for you. They initially make you feel great, but then over time you realize that maybe your relationship with Lucky Charms is just a little bit unhealthy and you start to think, ‘Maybe I don’t want to be in a long-term relationship with a breakfast cereal that tastes delicious but damages my health.’ But then the Lucky Charms gets all stalker on you and for some reason you kind of like that. It makes you feel special. So yeah, you spend your life with Lucky Charms. That’s awesome. That’s a great way to… get diabetes."

Sorrý með öll kvótin þessa dagana. Ég er á einhverju lesskeiði eins og er. Bæði fyrir sjálfa mig og fyrir skólann.
B.

2010-09-05T18:46:00.000Z

"When you think about it, rules for drinking are not so different from rules for writing. Many of these are so familiar they’ve become truisms: Write what you know. Write every day. Never use a strange, fancy word when a simple one will do. Always finish the day’s writing when you could still do more. With a little adaptation these rules apply just as well for drinking. Drink what you know, drink regularly rather than in binges, avoid needlessly exotic booze, and leave the table while you can still stand."

- Geoff Nicholson

Kíló!

2010-09-01T17:36:00.002Z

Ég vann kíló af fötum í Spútnik í einhverjum feisbúkk-leik!
Ég vinn aldrei neitt!
Húrra!

2 x gamaldags blúnduundirkjólar
1 x dökkbrúnt pencil skirt
1 x blómamunstraður dúllukjóll
1 x glimmerdiskóbolur
og það besta..

1 x Skósíður ljósblár 50's blúndunáttsloppur a la gamaldags Hollywoodstjörnur. Ég tek mynd við tækifæri. Vonandi detta náttsloppar bráðum í tísku og þá ætla ég ALLTAF að vera í honum. Þangað til verð ég fabjúlus heima.

Nýja námið er vægast sagt frábært. Þ.e. eins frábært og nám getur verið.
Ég er komin með hátt í 100þús kall upp í nýja tölvu.
Ég er hamingjusöm, það er gott að vera hamingjusamur.

Farin að vera draumkennd á svip í náttsloppnum.
Au Revoir

ps: fannst engum "what's for dinner? a yam!" fyndið nema mér... æjh... af hverju er ég svona misheppnuð?

A YAM!

2010-08-31T22:57:00.002Z

source: nataliedee, toothpaste for dinner.

2010-08-29T22:26:00.004Z

Skólinn byrjar á morgun og ég er stressuð og spennt og full vonar að ég sé loksins búin að finna mér eitthvað sem fíla. Er í þremur áföngum þessa önnina, reyndar allt saman 10 eininga áfangar svo það er ekki jafnlítið og það hljómar. Fyrsti tíminn minn verður hrollvekjukúrs. Auk þess er ég líka í kúrs í undirstöðuatriðum kvikmyndafræðinnar og bókmenntaritgerðakúrs. Spjennó.
Kristjana er með fínt tumblr blogg sem ég kíki reglulega á. Sá þessa fínu skólakanínu á blogginu hennar og varð hugsað til þess þegar ég var 6 ára að byrja í Austurbæjarskóla. Þá fórum við mamma og keyptum bleikan skokk með mynd af Pétri kanínu og leggings í stíl og ég var alveg afskaplega hamingjusöm með skólafötin og fannst ég mjög stór og virðuleg. Hvað ætli hafi orðið um Pétur kanínu dressið?

Sagan af Pétri kanínu eftir Beatrix Potter.
Uppáhalds í gamla daga.

simple mind...

2010-08-23T21:58:00.004Z

... simple pleasures

uncut: july 2010 - david bowie

uncut: september 2010 - nick cave

dazed&confused: september 2010 - dakota fanning

david bowie - lodger, LP

phantom of the paradise OST, LP

að njóta seinustu sumardaganna með góðu fólki,
t.d. að fá sér ís á arnarhóli.

og takk, pabbi, fyrir að kaupa handa mér plötur í borgarnesi.
þá sérstaklega phantom of the paradise, alveg stórfenglega góð/vond mynd
sem hentar við flest tækifæri.

best coast. ný uppgötvun. og góð.

Afsakið hlé

2010-08-17T00:56:00.003Z

Mikið bloggleysi seinustu daga. Hef bara ekkert að segja. Hef þó ákveðið eftirfarandi:

Ætla að safna mér fyrir nýrri tölvu áður en aumingja gamlagrey deyr.
Ætla að skipta um aðalgrein í háskólanum og fara í kvikmyndafræði. Er búin að vera að velta þessu fyrir mér í allt sumar og hef ákveðið að kýla bara á það.
Ætla að taka herbergið mitt í gegn.
Ætla ekki að vera fýlupúki.
Ætla að elska vini míni, fjölskyldu og kærasta og rækta vel sambönd mín við þetta fólk.
Ætla EKKI að vera veikt sjúkdómsgrey.
Ætla að heimsækja Hebu til London.

myndir: borghildur tumadóttir og bjørn rosenquist møller.

Guilty Pleasure #1

2010-08-10T00:09:00.000Z

Djöfull er ég sek.

2010-08-04T02:00:00.002Z

Ég fór EKKI til Eyja um Verslunarmannahelgina, enda er ég töff.

Fór á Innipúkann með fríðu föruneyti og skemmti mér vel nánast allan tímann.

Orphic Oxtra voru balkantryllt á föstudaginn og ég tapaði mér í dansgleði.
Á laugardaginn gerðist ég auli og læsti mig úti um miðja nótt. Ég var ekki með neina peninga á mér og var auk þess í einkar glyðrulegu djammdressi sem ég gat ekki hugsað mér að vera í næstu 2 daga líka. Enginn í Reykjavík með lykla að húsinu. Fokk. Hringdi í mömmu. Hringdi í Securitas. Beið í hálftíma eftir Securitas manni sem hleypti mér inn. Muhuhu.
Fór samt aftur á djammið (keppnis).
Note to self: aldrei segja keppnis aftur, það er ógeð.
Var þynnri en annar helmingurinn af klósettpappírsblaði (þúveist.. það er hægt að taka þau í sundur) á sunnudaginn.
Horfði á eitthvað hræðilega slæmt á E-channel og pantaði mér pizzu. Ein. Sorgleg.
Hætti að væla og skellti mér á tónleika á Sódóma.
Stóð ein þar inni að bíða eftir Hebu og þá vindur Raggi Bjarna sér að mér, segir "Góða kvöldið, ungfrú", blikkar mig og skundar upp á svið að spila með Retro Stefson. Bjargaði kvöldinu.
Raggi og Retro voru æðisleg. Spiluðu Love me tender með Elvis og ég fékk tár í augun, enda mikið uppáhaldslag hjá elsku fallegu vinkonu minni á himnum.
Ég var edrú þetta kvöld og keypti mér appelsín á barnum. Heba gerði grín að mér.
Appelsínið reyndist kekkjótt. Fannst það skrítið svo ég skyrpti því út úr mér. Komst að því að þetta var könguló. Í appelsíninu. Uppí mér. Afsakið en OJ. Djammguðinn greinilega að refsa mér. Appelsín í gleri: Now with extra legs. ÖÖÖRRRGGGH...
Retro Stefson trylltu svo lýðinn og hjarta mitt. Mikill dans. Það er svo gaman á tónleikum með þeim. Gleðin er svo ótakmörkuð og yndisleg!
Kíkti á Zimsen, edrú. Mæli svosem ekkert sérlega með því.

Allt í allt. Frábær helgi. Fyrir utan þynnku og köngulóarappelsín. Var núna að koma úr seinbúnu te og bananabrauðspartýi hjá Dóru og Rakel. Yndislegt.

Gott að vera til blómin mín.
Njótum þess.
B.