Hallo! Ich bin jetzt in Tübingen und wenn jemand von euch Deutsch versteht dann...

Djók.

Ég er allavega á talfærninámskeiði í Tübingen í Þýskalandi um þessar mundir. Búin að vera í viku og er fyrst að kíkja á netið núna. Gisp. Mjög ljúft að fullnægja þessari fíkn minni.

Hér er allavega SNILLD! Bý hjá mjög ljúfri fjölskyldu, Familie Becker. Það er fullt að gera í skólanum en fyrir utan það er ekkert rooosalega mikið að gera hérna í Tübingen. Svo er líka sunnudagur og allt er lokað nema söfn. Allavega. Hingað til er ég aðallega búin að vera í skólanum. Það er sjúklega næs og allir kennararnir eru eitthvað yfirnáttúrulega hressir. Ég er líka búin að læra fullt og nota þýskuna óspart. Gaman.

M.a. er ég búin að fara í vínsmökkun, óperuna í Stuttgart, skoðunarferðir um kirkjur og hallir o.fl. Búin að drekka slatta af Dunkles Hefe. MMM ÞÝSKUR BJÓR. Svo er eiginlega ekkert hér að éta nema pulsur og hvítt hveiti. Frekar hardcore í magann. Á undan vínsmökkuninni fengum við sko Bratwurst, Saumagen, Leberknödle og Sauerkraut. Set mynd seinna. Það bragðaðist allt betur en það leit út fyrir og hljómaði. Alveg sjúklega þungt í magann samt. Fór í smápartý í gær eftir Óperuna. Þar var mikið af hressum þjóðverjum að dansa við 90's one hit wonders. Við erum búin að mynda góðan hóp við sem erum á námskeiðinu og ég er búin að eignast góða vini er ég viss um. Það er alltaf gaman. Annars ætla ég að fara að kvíða fyrir kvöldmatnum hérna heima núna... fékk nefnilega þykka kartöflusúpu með RISA pulsu útí í morgunmat. Svo fékk ég kökur og te og bráðum kemur Angelika Becker pottþétt og reynir að troða í mig ávöxum og brauði svona aðeins fyrir matinn. Ég vona allavega að það verði ekki aftur pasta með súrkáli í kvöldmat. Það var rosalegt...

Tschüss frá Tübingen.
Birta.

Ég verð svo reið þegar ég les svona: SMELLIÐ HÉR.

Og það að þetta sé látið viðgangast vegna þess að "svona eru bara siðir og venjur þarna" get ég ekki fundið í mér að taka sem gilda afsökun. Bara alls ekki.

B.

Jæja, ég er ekkert svo dugleg að pósta hérna.
Myndavélin mín er samt full af myndum sem ég á eftir að setja inn á tölvuna.
Þegar ég dröslast til þess þá kemur eitthvað skemmtilegt (og sennilega áramóta- og jólalegt).
Á líka eftir að fara með eina einnota í framköllun.

Er búin að vera að hlusta á She & Him, The Horrors, Vampire Weekend, Yeah Yeah Yeahs, Blondie og Leonard Cohen. Það er mjög gott.

Hárið á mér er ógeð og ég er eiginlega að gefast upp á að safna því. Langar bara að klippa það allt af. Ætla að reyna að halda þetta út aðeins lengur samt.

Var að klára þessa:

Finnst titillinn samt meira töff á frummálinu; Män som hatar kvinnor. Enda sænska með afbrigðum kúl og skemmtileg. Skömminni skárri en danska, sem er að öllum líkindum tungumál Satans. Þessi bók er allavega mjög góð og ég er byrjuð á næstu bók, sem byrjar líka vel. Glápti á myndina þegar ég kláraði bókina og varð fyrir miklum vonbrigðum. Myndin var samt góð. Bara ekki jafngóð og bókin (vá.. getur það verið?). Það er bara svo mikil og góð persónusköpun í bókinni sem er ekkert hægt að koma nægilega vel til skila í myndinni.

Það kom mér eiginlega að segja á óvart hversu góð mér fannst bókin, þar sem ég er yfirleitt ekkert hrifin af krimmum. Það hlýtur að þýða að þetta er megagóður krimmi. Svo er Lisbeth Salander náttúrulega töffari dauðans. En rólegur á að vera með brókarsótt, Blomkvist. Hann svaf nánast hjá öllum konum í bókinni nema dóttur sinni og einhverri elliærri beyglu. Jeez. Svona eru þessir Svíar, bara haldonumekkíbuxunum. Svei. Djók.

Þá ætla ég að halda áfram að lesa Flickan som lekte með elden. Reyndar á ensku. Því miður. Væri alveg til í að geta lesið á frummálinu. Helv.. danska! Afhverju lærum við ekki sænsku frekar?

B.
ps: ég geri mér alveg grein fyrir líkindum sænsku og dönsku en finnst samt sem áður ergelsi mitt skiljanlegt, þrátt fyrir að ég skilji svosem hrafl í sænsku.

Bætti við nokkrum linkum hjá bloggurum sem ég les.
Linkarnir eru hér til hliðar undir "Baunir".
Allir sáttir? Jafnvel svona sáttir:

Skólinn er byrjaður!

Þessi önn hefur það framyfir haustönnina að ég er ekki endalaust í einhverjum sjúklega löngum eyðum að láta mér leiðast. Mæti í fyrsta lagi klukkan 10 og er í skólanum í mesta lagi til 16.30.
Það er alltílagi.

Fór í tvöfaldan tíma í Landeskunde í dag. Það er kúrs bara almennt um Þýskaland, bæði landafræði og svo stjórnmálafræði etc.etc.etc. Ekkert brjálæðislega partýspennandi en samt fínt svosem. Fyrir utan Landeskunde er ég svo í Bókmenntafræði I, Málfræði II, Málvísindum I og Ritfærni II - Þýðingar. Svo er ég náttúrulega að fara til Tübingen...

JÁ! Tübingen. Ég hef ekkert minnst á það hér. Ég fer í tvær vikur í byrjun febrúar til Þýskalands á námskeið. Ég er búin að kaupa flug en annars er gisting, námskeið og morgunmatur innifalinn í háskólagjöldunum mínum. Ég hlakka villt og galið til! Tübingen er háskólabær í Baden-Württemberg, ekki svo langt frá Stuttgart. Og þar er meira að segja H&M svo að ég er búin að reyna að hemja mig á útsölunum hérna heima. Freistaðist samt til að kaupa eina skyrtu og sokkabuxur í Topshop, en það er leyndó.

Annars hitti ég á Önnu Jónu á Súfistanum í Mál og Menningu eftir skóla í dag. Það var gott að sjá hana og spjalla aðeins og skoða tískublöð sem ég hef ekki efni á að kaupa mér. Ég lét einnig við sama tækifæri ríða mér konunglega í rassgatið fjárhagslega þegar ég keypti mér appelsín í gleri á 360 krónur. Það var nú gaman. Hyggst gera það aftur hið fyrsta.

Var líka að fá Dario Argento safnið mitt aftur úr láni. Núna verður sko glápt. JÁVEI!

Helgin er búin og sömuleiðis jólafríið. Ég vann alla helgina og á morgun byrjar svo skólinn. Það var frekar rólegt í kvöld á Fiskfélaginu svo ég fékk að fara snemma. Er búin að kúra heima síðan þá með Snöre saltlakkrís og appelsín. Nú er ég samt þreytt og ætla að svífa inn í draumaland. Verður fínt að komast í skólagírinn aftur. Of mikið letilíf hefur gert mig þreytta.

Á fimmtudaginn fer ég svo til læknis í smárútínutjekk og losna svo við sterakúrinn sem ég er búin að vera á útaf maganum. Þá hætti ég vonandi að fá þennan öra og óþægilega hjartslátt þegar ég er að reyna að sofna.

2009

Er ekki hefð fyrir því að gera upp árið? Það held ég nú!

Janúar.
Byrjaði árið með háum hvelli og glötuðu áramótadjammi.
Lofaði sjálfri mér að næsta ár yrði betra.
Ég lærði mikið og djammaði meira.
Tók þátt í söngkeppninni með Sólu, Önnu og Heiðrúnu og einhverjum heitum en afar kvenlegum gaur.
Í minningunni mjög góður mánuður.




























































Febrúar.
Tók EKKI þátt í Herranótt eins og alltaf.
Það olli mér smávægilegum sorgum en varð til þess að ég stóð mig óvenjulega vel í námi.
Þessi mánuður fór eiginlega bara í að hlusta á tónlist, lesa, drekka vín...
Fékk ný gleraugu. VEI!







































Mars.
Afbragð. Gúrmei mánuður.
Fór á Fiðluball MR með Kristjáni. Það var ljómandi.
Afmæli hjá Kristínu.
GOTHþemaafmæli hjá Önnu og Sólu.
Miklum tíma eytt í skúrnum hennar Sunnu. Bæði við sötur og almennt tjill.

Apríl.
Systir mín fermdist.
Páskar og súkkulaði. Og lærdómur fyrir fyrsta stúdentsprófið: Íslensku.
Ég dimmiteraði með 6A. Við vorum eldri borgarar og vöktum mikla lukku.
Seinasti MR skóladagurinn með tilheyrandi trega (og gleði).

Maí.
Stúdentsprófageðveikin.
Ég eignaðist kærasta (reyndar takatvö í því sambandi en allt er jú gott sem endar vel).
Íris hélt LadyGaGa afmælispartý.
MR kláraðist og ég fékk hvíta húfu, skírteini og júbilantaball.












































Júní.
Fór að vinna hjá Rauða Krossinum og kynntist þar góðu fólki.
Byrjaði að vinna um svipað leiti sem þjónn á Fiskfélaginu, þar sem ég vinn enn. Almennt góður stemmari og frábærir vinnufélagar.
Djamm og einhver vitleysa milli þess sem ég var í vinnunni.

Júlí.
Bjór, Sól og Vinna.
Ég varð tvítug og fór í Ríkið (JEEEE).
Hélt líka partý. Mikill matur, vín og gott fólk = gleði!

















Ágúst.
Ævintýrareisa með stelpunum, nánar tiltekið Helgu, Sunnu, Boggu og Þórgunni.
Vorum epískar í Köben og Berlín í 3 vikur.





























































































































































































































September.
Byrjaði í HÍ í þýsku.
Leist ekkert á blikuna.
Vann meðfram því.
Ef ekki hefði verið fyrir elsku Þóri hefði ég sennilega gengið af göflunum.


Október.
Áframhaldandi skóli.
Var einhvernveginn alltaf að vinna þegar eitthvað skemmtilegt var í gangi.
Fór reyndar á Oktoberfest. Skál.


Nóvember.
Var eiginlega bara veik allan mánuðinn.
Endaði með skemmtilegri viku á Landspítalanum.
Lagaðist undir lokin og var dugleg að læra fyrir prófin.


Desember.
Var í prófum mestan hluta desember.
Náði þess á milli að vinna og vera með Þóri.
Að prófum loknum naut ég lífsins, ótrúlega sátt og glöð með mitt.
Lífið var ofsalega gott núna í árslok og ég hamingjusöm.
Jólin voru ljúf og áramótadjammið SNILLD (ég hélt það væri ekki hægt...)
Ég skil við 2009 og býð velkomið 2010. 2009 var mér gott ár og ég breyttist mikið og til hins betra. Þegar ég hugsa til sama tíma fyrir ári finnst mér það alveg ótrúlegt hversu mikið ég hef breyst. Takk fyrir gamalt og gott kæru vinir. Ég lofa virku og litríku bloggári, uppfullu af gleði og sorg, glensi og alvarleika. Þið sem lesið, endilega haldið því áfram. Þið sem ekki lesið eigið ekki eftir að sjá þetta svo bara SKÚBIDÍDÚBABBEI. HEY!




ÁST.
Ykkar,
Birta.

Í dag er ég búin að sofa, borða TUC-kex, drekka te, lesa, prjóna, hlusta á CAN, vera á facebook, skoða gömul tísku- og tónlistartímarit, horfa út í loftið, borða konfekt og hlusta á Belle and Sebastian. Núna ætla ég að horfa á Simpsons seríu 12 sem Auður fékk í jólagjöf og svo endurraða geisladiskasafninu mínu. Ég raðaði því nefnilega eftir litaröð fyrir einhverju síðan og eins fallegt og það nú er þá finn ég, eins og gefur að skilja, aldrei fokking neitt.

B.

Mér finnst oft gaman að skoða allskonar tískublogg á netinu. Fá hugmyndir og horfa á fallegu myndirnar. Var inná þessari síðu áðan og sá að stelpan þar bloggaði um vintage fatabúð á netinu sem heitir Claire Incorruptible. Ég ákvað að kíkja og VÁ. Claire Inc er full af ótrúlega flottum vintage designer flíkum, aðallega 70's-80's-90's. Chanel, Moschino, Dior, Gucci, Sonia Rykiel , YSL, Valentino, Oscar de la Renta og margtmargtfleira. Kjólar, jakkar, skór, töskur, skartgripir you name it. Ég hef að sjálfsögðu ekki efni á neinu af þessu en það er samt gaman að skoða fallegu myndirnar...

frohe weihnachten

Jólin voru afbragð. Og eru. Þar sem nú er jóladagur. Mamma er niðri að græja humar. SLURP!

Jóladressið var Marc Jacobs kjóllinn sem ég útskrifaðist í, netasokkabuxur, glimmersokkar og skórnir sem ég fékk frá Mömmu í jólagjöf.

Ég bjó til rækjukokteil í forrétt og tók myndir af mér og rækjukokteilnum saman á einnota myndavélina mína. Svo þið fáið myndir þegar filman klárast og ég framkalla hana. Allir sáttir við það? ÞAHELDÉNÚ!

Ásamt rækjukokteilnum var hamborgarahryggur í matinn og í eftirrétt var afar frumleg fusion Tobleronesúkkulaðimús að hætti móður minnar. Svo voru gjafirnar opnaðar í rólegheitum yfir kaffi, konfekti og púrtvíni. Ég er alsæl með gjafirnar þetta árið; en þær voru eftirfarandi:


Frá Mömmu: Skórnir góðu og títtumræddu, geðveik 50's hárspöng úr Einstakar Ostakökur, næla og heildarsafn Bangsímon á þýsku. Þess má geta að ég gaf Móður minni í jólagjöf meðal annars heildarsafn Bangsímon á ensku. Við erum ekki í lagi...

Frá ÖmmogAfa í Sólbrekku: Grænn augnskuggi og bókin "Maturinn hennar Nönnu; Heimilismatur og hugmyndir". Geðveikt fín bók, og sniðug. Einfaldar uppskriftir, upplýsingar um hráefni og hugmyndir um hvað á að gera úr afgöngum. Sérstaklega skrifað fyrir stórslysamenn í eldhúsinu eins og mig. Nú fer ég að elda, það er á hreinu!

Frá systkinum Mömmu og þeirra börnum: Grænt garn, prjónar og kennslubók fyrir byrjendur í prjóneríi. SNILLD! Ég er nú þegar byrjuð að prjóna. Er reyndar of þroskaheft til að fatta bókina eina og sér en hún í samvinnu við kennslumyndbönd á hinni yndislegu síðu YouTube kemur manni langt áfram... myndir seinna í bloggi.

Frá Auði systur: Barbapapabolur sem ég er í núna.
Frá Þóri: Karíus og Baktus/Litla Ljót á vínil. Ekkert rispuð og fullkomin í alla staði. Elskaði þessa plötu þegar ég var lítil. Og safna barnaefni. Svo þetta er awesome. Fékk líka garn, ótrúlega fína hringprjóna og bók með Harry Potter prjónauppskriftum (ég veit. nördalegt. sorrýmeðmig.). Við erum aldeilis kúl... ég gaf honum Star Wars bók. Heh.

Frá Heiðrúnu og Sólu: Risaeðluhálsmen úr Kisunni með svona flippuðu gleri (vá erfitt að útskýra) eins og mig langaði ýkt mikið í. Og skissubók með Rocky Horror vörunum framaná.

Frá Pabba og Ágústu: LEÐURJAKKI ÓMÆGAD! Úr Topshop. Sem ég valdi sjálf. Ýkt fínn. Fékk líka "The Pros and Cons of Hitch Hiking" með Roger Waters á vínil og "The Boatman's Call" með Nick Cave á CD.

Frá Afa í Árholti: 5000 krónur. Kærkomið og klassískt.

Frá Birnu frænku: Belle and Sebastian BBC Sessions/Live in Belfast 2001 CD, nú er Belle safnið mitt fullkomnað! Fékk líka Pleasantville á DVD. Búin að leita að þeirri mynd ótrúlega lengi, enda ein af mínum uppáhalds.

Frá Stelpunum (þ.e. Hebu): Vínrautt veski, fiskabúr í DVD tækið (mikið lol), þjóðhátíðarbæklingur frá 1948. FÍNT!

Frá Tengdó: Vínrauð prjónuð spenna sem heitir "Tíra". Íslensk hönnun. Búin að smella nælunni á svörtu slána mína og sómir hún sér vel þar.

Frá Fiskfélaginu: Rauðvín og út að borða fyrir tvo á Silfur. NAHÆÆÆS!

Og þá er það komið held ég! Frábærar gjafir í alla staði.
Vakti til 6 í nótt að læra að prjóna. Time well spent. Er núna búin með fyrsta verkefnið: gula spennu með glimmeri og tölu.
Kannski ekki besta myndin, en hún verður að duga:


Hérna eru svo prjónarnir frá Þóri. Marglitir og úr tré. Alveg sjúklega fínir!


Jæja. Segjum þessari löngu upptalningu lokið. Ég ætla að fara að borða meira. As you do! Planið er svo að prjóna meira, sennilega eitthvað einfalt eins og eyrnaband, horfa á vídjó og hafa það gott. Vinna annað kvöld. Bðöh. Og sennilega smá skrall eftirá. Mjög gott. Ætli það sé opið í ríkinu? Föö...
B.